Псалми 23 - Нов превод на Псалмите од LXX 2024（MAK2024PS）

ПСАЛМ 23Свеченото доаѓање на великиот Цар

1 88,11; 1 Кор 10,26 Псалм на Давид; на првиот ден од седмицата.

Господова е земјата и сѐ што ја исполнува,

вселената и сите што живеат во неа.

2 45,2; 74,3; 103,5; Јов 38,4-6 Тој неа врз мориња ја основа

и врз реки ја устрои.

3 14,1-5 Кој ќе се искачи на гората Господова

и кој ќе застане на светото место Негово?

4 25,6; Мт 5,8 Оној со невини раце и чист по срце,

кој не ја примил залудно душата своја

и не се заколнал лажно на ближниот свој.

5Тој ќе добие благослов од Господа

и милост од Бога, Спасителот свој.

6Овој е родот на тие што Го бараат Него,

што го бараат лицето на Бога Јаковов.

7 117,19-20; 2 Цар 6,12-16; Ез 44,2; Мал 3,1 Подигнете ги портите, вие кнезови,

и издигнете се порти вечни

и ќе влезе Царот на славата.

8Кој е Тој Цар на славата?

Господ моќен и силен,

Господ силен во борба.

9Подигнете ги портите, вие кнезови,

и издигнете се порти вечни

и ќе влезе Царот на славата.

10 2 Мојс 24,16 Кој е Тој Цар на славата?

Господ на силите, Тој е Царот на славата!