Псалми 102 - Нов превод на Псалмите од LXX 2024（MAK2024PS）

ПСАЛМ 102Славословие за Божјото милосрдие

1 103,1.35; 145,1; Тов 13,9 На Давид.

Благословувај Го, душо моја, Господа

и целата моја внатрешност – Неговото свето име.

2Благословувај Го, душо моја, Господа

и не заборавај ги сите дарови Негови;

3 31,1-2; 77,38; 2 Мојс 15,26 на Оној што ги очистува сите твои беззаконија

и ги исцелува сите твои болести;

4 85,13; 106,20; Јов 33,18 Кој го избавува од пропадливост животот твој,

Кој те овенчува со милост и со добрини;

5 Ис 40,31 Кој ја исполнува со добра желбата твоја,

како кај орел ќе се обновува младоста твоја.

6Господ прави милост и суд

за сите онеправдани.

7Му ги покажа патиштата Свои на Мојсеј,

на синовите Израилеви – намерите Свои.

8 85,15; 144,8; 2 Мојс 20,5-6; 4 Мојс 14,18; 5 Мојс 5,10; Јоил 2,13; Јона 4,2; Неем 9,17; Јк 5,11 Штедар и милостив е Господ,

долготрпелив и многумилостив.

9 Ис 57,16; Ер 3,4-5.12; Јоил 2,13; Јона 4,2 Нема докрај да се гневи,

ниту довека ќе се лути;

10 Ез 20,44 не ни направи според беззаконијата наши,

ниту според гревовите наши ни возврати.

11 35,5; 56,10; 116,2; Ис 55,9 Зашто според висината на небото од земјата,

ја утврди Господ милоста Своја на оние што се бојат од Него.

12 Мих 7,19 Колку што е далеку исток од запад,

толку ги оддалечи од нас беззаконијата наши.

13 144,9; Ер 31,20; Мал 3,17 Како што таткото ги милува синовите,

така Господ ги помилува оние што се бојат од Него.

14 21,29; 89,3; 103,29; 1 Мојс 2,7; 3,18; Ис 40,7-8; Јов 10,9; Проп 12,7 Зашто Тој го позна нашиот состав,

си спомна дека сме прав.

15 90,5-6; 101,11; Ис 40,6-7; 50,11; Јов 14,2; Сир 14,18 Човекот – како трева се деновите негови;

како цвет полски, така ќе прецути.

16 36,36; Јов 7,10; 8,17 Зашто духот излезе од него,

и нема да постои

и местото негово нема да се знае.

17 24,6; 99,5; Лк 1,50 А милоста Господова е од века и довека врз оние што се бојат од Него,

и правдата Негова е врз синовите од синовите

18 5 Мојс 33,9 на оние што го чуваат заветот Негов

и ги помнат заповедите Негови за да ги исполнуваат.

19 10,4; 21,28; 46,8; 144,11-13; Ис 66,1; Авд 1,21 Господ го подготвил Својот престол на небото

и Царството Негово владее над сите.

20 148,2; Дан 3,58; Лк 1,19 Благословувајте Го Господа сите ангели Негови,

силни во крепоста,

што го исполнувате Неговиот збор,

за да го слушнете гласот од зборовите Негови.

21 148,2 Благословувајте Го Господа сите сили Негови,

служители Негови што ја исполнувате волјата Негова.

22 144,10; Дан 3,57 Благословувајте Го Господа сите дела Негови.

На секое место од Неговото владеење,

благословувај Го, душо моја, Господа.