Псалми 8 - Нов превод на Псалмите од LXX 2024（MAK2024PS）

ПСАЛМ 8Божјото величие во создавањето

1За крајот: псалм на Давид, за гмечалките за вино.

2 56,5; Евр 1,3 Господи, Господи наш,

колку е чудесно името Твое по целата земја,

зашто Твоето велелепие ги надвиши небесата.

3 Мудр 10,21; Мт 11,25 Од устата на новородените и на доенчињата

си подготвил пофалба заради непријателите Твои,

за непријателот и одмаздникот да го сотреш.

4Ќе ги гледам небесата, делата на прстите Твои,

месечината и ѕвездите, кои ги втемели Ти:

5 143,3; Јов 7,17-18; Сир 18,8; Евр 2,6 Што е човекот, да го помниш,

или синот човечки, да го посетуваш?

6 20,5; 1 Мојс 1,26-27; Мудр 2,23 Си го направил само за малку помал од ангелите,

но со слава и со чест си го овенчал;

7 1 Мојс 1,28; Мудр 9,2-3; 10,2; Сир 17,2-4; 1 Кор 15,25-27; Ефес 1,22; Евр 2,8 си го поставил над делата од рацете Свои,

сѐ си потчинил под нозете негови;

8овците и сите волови,

та дури и ѕверовите полски,

9птиците небески, и рибите морски

и сѐ што низ морските патишта скита.

10Господи, Господи наш,

колку е чудесно името Твое по целата земја!