Псалми 47 - Нов превод на Псалмите од LXX 2024（MAK2024PS）

ПСАЛМ 47Радоста на Сион поради Божјата помош и избавување

1Псалм на песната за Кореевите синови; за вториот ден од седмицата.

2 95,4 Велик е Господ и мошне фален

во градот на нашиот Бог,

на Својата света гора,

3 Мт 5,35 добро утврдена,

радост за целата земја.

Горите Сионски, падините северни,

градот на Царот велик.

4 9,9; 17,2; 45,7.11; 58,9.16-17; 61,2.6; 143,2 Бог во тврдините негови се познава,

кога него го штити.

5Зашто, ете, царевите земни се собраа,

дојдоа заедно;

6 67,12 гледајќи го, многу се восхитија,

се збунија, се потресоа;

7 2 Мојс 15,14; Ис 13,8; 20,2; Ер 4,31; 50,43; 1 Сол 5,3; Јн 16,21 трепет ги обзеде,

таму ги снајдоа маки како оние на жена што раѓа.

8Со силен ветер ќе ги скршиш

корабите Тарсиски.

9Како што чувме, така и видовме

во градот на Господ на силите,

во градот на нашиот Бог;

Бог го втемелил довека.

10Ја разбравме, Боже, милоста Твоја

среде Храмот и среде народот Твој.

11 112,3; Мал 1,11 Според името Твое, Боже,

е и пофалбата Твоја по краиштата земни;

со правда е полна десницата Твоја.

12 96,8 Нека се развесели гората Сион,

нека се зарадуваат ќерките Јудејски,

заради судовите Твои, Господи.

13 Ис 26,1; 33,20-21 Опколете го Сион и обгрнете го,

разгледајте ги кулите негови,

14 77,4; 89,2; 101,27 ставете ги срцата ваши во неговата сила

и проникнете во тврдините негови,

за да му раскажувате на наредното поколение.

15Зашто Овој Бог е Бог наш довека и во вечни векови;

Тој ќе нѐ напасува во вековите.