Псалми 76 - Нов превод на Псалмите од LXX 2024（MAK2024PS）

ПСАЛМ 76Сеќавање на делата Господови

1За крајот. За Идитун. Псалм на Асаф.

2Со гласот свој кон Господа повикав,

со гласот свој кон Бога и ме услиша.

3 27,2; 49,15; 87,1; Ис 26,16 Во денот на неволјата моја Бога Го барав,

рацете мои ги подавав ноќе кон Него и не се излажав;

зашто душата моја одби да се утеши поинаку.

4 41,5.11; 42,5; Јона 2,8; Пс 141,3; 142,4 Се сетив на Бога и се зарадував;

размислував и духот мој стана малодушен.

5Очите мои ги претекнаа стражите,

се вознемирив и не зборував.

6 142,5; 5 Мојс 32,7 Размислував за старите дни

и си спомнав за годините вечни и расудував;

7ноќе со срцето свое се задлабочував

и духот мој истражуваше.

8 73,1; 88,46; Плач 3,21-23 Ќе отфрли ли Господ за навек

и нема ли повеќе да биде благонаклонет?

9Или докрај милоста Своја ќе ја прекрати;

ќе го ускрати ли зборот од поколение во поколение?

10 73,9; Ис 49,14-15; 63,14 Зар Бог ќе заборави да се смилува;

или во гневот Свој ќе ја запре милоста Своја?

11И реков: Сега започнав,

оваа промена е од десницата на Севишниот.

12Си спомнав за делата Господови,

зашто ќе се сеќавам на чудесата Твои од почетокот;

13 142,5 и ќе се поучувам во сите дела Твои

и во потфатите Твои ќе размислувам.

14 17,30-31; 88,6; 2 Мојс 15,1-18; 5 Мојс 32,4 Боже, во светињата е патот Твој;

кој Бог е велик како нашиот Бог?

15Ти си Бог Кој правиш чудеса;

ја покажа меѓу народите силата Своја.

16 1 Мојс 46,26-27; Неем 1,10 Со мишката Своја го избави народот Твој,

синовите Јаковови и Јосифови.

17 2 Мојс 14; Наум 1,4; Авак 3,10-11; Јов 7,12 Те видоа водите, Боже,

Те видоа водите и се исплашија,

се потресоа бездните; силна бучава од води,

18 17,14; 143,6 облаците пуштија глас,

зашто и стрелите Твои прелетуваа;

19 29; 96,4; 2 Мојс 19,16 татнежот на громот Твој е во виорот;

Твоите молњи ја осветлија вселената,

се потресе и се растрепери земјата.

20 77,52; Ис 43,16; 50,9; Неем 9,11; Мудр 14,3; Ис 63,11-14; Мих 6,4 Во морето се патиштата Твои,

и патеките Твои во многу води

и твоите траги нема да се откријат.

21Како стадо овци го водеше народот Свој

со раката на Мојсеј и Арон.