Псалми 30 - Нов превод на Псалмите од LXX 2024（MAK2024PS）

ПСАЛМ 30Молитва за помош во немирни времиња

1За крајот: псалм на Давид, во време на бунило.

2 17,2; 70,1-3 На Тебе, Господи, се надевав,

да не се посрамам довека;

избави ме и спаси ме во Твојата праведност.

3Приклони го увото Твое кон мене,

побрзај да ме избавиш.

Биди ми Бог заштитник

и сокровиште што ќе ме спаси.

4 17,2; 22,3; 24,11; 78,9; 105,8; 108,21; 142,11; Ис 48,9; Ер 14,7.21; Ез 20,9.14; 20,21.43 Зашто Ти си моја сила и мое прибежиште,

заради името Твое ќе ме водиш и ќе ме укрепуваш.

5 24,15; 141,7 Ќе ме избавиш од стапицата што по­тајно ми ја поставија,

зашто Ти си заштитник мој.

6 Лк 23,46; Дела 7,59; 1 Птр 4,19 Во рацете Твои ќе го предадам духот свој;

Ти си ме искупил, Господи, Боже на вистината.

7 4,2; 5 Мојс 32,21; Ер 8,19; 10,8 Си ги намразил оние што напразно внимаваат на безначајни нешта,

но јас се надевав на Господа.

8Ќе се радувам и ќе ѝ се веселам на милоста Твоја,

зашто Ти погледна на моето смирение

и ја спаси од неволи душата моја;

9 17,19; 117,5 не ме предаде во непријателските раце,

нозете мои ги постави на чистина.

10 6,7 Помилуј ме, Господи, зашто страдам:

во јароста се возмути окото мое,

како и душата и утробата моја.

11Зашто во тага измина животот мој

и годините мои во воздишки;

во беда се изгуби силата моја

и коските мои се потресоа.

12 37,11; Јов 19,13-19 Станав за потсмев на сите непријатели мои, дури и за соседите мои,

и страв за оние што ме знаат;

оние што надвор ќе ме видат, бегаат од мене.

13Заборавен сум во срцата како мртовец,

станав како сад искршен

14 40,5; Ер 6,25; 19,9 бидејќи слушнав обвинување од мнозина што живеат околу мене;

кога се собираа заедно против мене

и се договараа да ми ја земат душата.

15 21,10; 62,1 Јас, пак, на Тебе, Господи, се надевав

и реков: „Ти си мој Бог“.

16Во рацете Твои се времињата мои;

избави ме од раката на непријателите мои

и од тие што ме гонат.

17 4,6; 66,1; 79,3.7.19; 118,135; 4 Мојс 6,25 Објави му го лицето Твое на слугата Твој;

спаси ме во милоста Своја.

18Господи, да не се посрамам, зашто кон Тебе повикав;

безбожните нека се посрамат и нека слезат во адот.

19Нека онемат лажливите усти што говорат за праведникот неправедно,

со горделивост и со презир.

20Колку е изобилно мноштвото на добрината Твоја, Господи,

што си ја притаил за оние што се бојат од Тебе

и што си ја приготвил за оние што се надеваат на Тебе пред очите на синовите чо­веч­ки!

21 26,5; 108,3; Јов 5,21; Откр 7,15-16 Ќе ги скриеш во таинственоста на Своето лице од човечките немири,

во шатор ќе ги засолниш од противничките јазици.

22Благословен е Господ,

зашто ја пројави Својата чудесна милост во опколениот град!

23 Јона 2,5 Во своето бунило си реков: отстранет сум од пред очите Твои;

но, сепак, Ти го слушна гласот на молитвата моја, кога повикав кон Тебе.

24 36,34-35 Љубете Го Господа сите светии Не­гови,

зашто Господ бара вистина,

а им отплатува на оние што премногу горделиво постапуваат.

25 36,34-35 Бидете храбри и нека крепне срцето ваше,

сите што се надевате на Господа!