Псалми 117 - Нов превод на Псалмите од LXX 2024（MAK2024PS）

ПСАЛМ 117Похвала на Божјиот закон

1 99,5; 105,1; 135,1-2 Алилуја! Славете Го Господа, зашто е добар,

зашто е довека милоста Негова.

2 113,17-19; 134,19-20; 136; Лк 1,50 Да рече домот Израилев дека е добар,

зашто е довека милоста Негова.

3Да рече домот Аронов дека е добар,

зашто е довека милоста Негова.

4Да речат сите што се бојат од Господа дека е добар,

зашто е довека милоста Негова.

5 4,1; 17,6.19; 119,1 Од маката Го повикав Господа

и ме услиша на место ширно.

6 26,1; 55,4.11; Ис 50,7; 50,11; Рим 8,31; Евр 13,6 Господ ми е помошник

и нема да се плашам од она што ќе ми го направи човек.

7 53,5; 111,8 Господ ми е помошник

и јас ќе погледнам смело на непријателите мои.

8 145,3 Подобро е да имаш доверба во Господа,

отколку да имаш доверба во човек;

9подобро е да се надеваш на Господа,

отколку да се надеваш на кнезови.

10 21,12; 5 Мојс 1,44 Сите народи ме опкружија

и со името Господово ги одвраќав.

11Од сите страни ме опкружија

и со името Господово ги одвраќав.

12Ме опколија како пчели околу саќе,

и пламнаа како оган во трње

и со името Господово ги одвраќав.

13Бев турнат и навален да паднам,

но Господ ме задржа.

14 2 Мојс 15,2; Ис 12,2 Господ е моја сила и моја песна

и Тој ми стана за спасение.

15 97,1; 137,7; 2 Мојс 15,6 Глас на радост и на спасение

во живеалиштата на праведните:

„Десницата Господова сотвори сила!“

16Десницата Господова ме возвиси,

десницата Господова сотвори сила.

17 Ис 38,19; Ер 30,11; 2 Кор 6,9 Нема да умрам, туку ќе живеам

и ќе ги кажувам делата Господови.

18Прекорувајќи, ме искара Господ,

но на смртта не ме предаде.

19 23,7-10; Ис 26,2; Јудита 13,13 Отворете ми ги портите на праведноста,

влегувајќи низ нив ќе Го славам Господа.

20 Ис 1,26; 25,2; Откр 22,14 Ова е вратата Господова,

праведниците ќе влезат низ неа.

21Ќе Те славам Тебе, зашто ме слушна

и ми стана за спасение.

22 Ис 28,16; Зах 3,9; 4,6; Мт 21,42; Мк 12,10-11; Лк 20,17; Дела 4,11; 1 Кор 3,11; Ефес 2,20; 1 Птр 2,7 Каменот што го отфрлија ѕидарите,

стана камен-темелник;

23тоа е од Господ

и чудесно е во нашите очи.

24Ова е денот што го создаде Господ;

да се зарадуваме и да се развеселиме во него.

25 Неем 1,11 О, Господи, спаси!

О, Господи, упати кон добро!

26 128,8; 133,3; Мт 21,9; 22,39; Мк 11,10; Лк 13,35; 18,37; Јн 12,13 Благословен е оној што доаѓа во името Господово;

ве благословивме вас од домот Господов.

27 17,28; 3 Мојс 23,40; Ис 60,1; Неем 8,15; 2 Мак 10,7 Бог е Господ и нам ни се јави;

поставете си празник украсен со гранчиња,

дури до роговите на жртвеникот.

28 98,5; Ис 25,1 Бог мој си Ти, ќе Те славам;

Бог мој си Ти, и ќе Те возвисувам.

Ќе Те славам зашто ме услиши,

и ми стана за спасение.

29Славете Го Господа, зашто е добар,

зашто е довека милоста Негова.