Псалми 45 - Нов превод на Псалмите од LXX 2024（MAK2024PS）

ПСАЛМ 45Бог е со нас. Тој е наше прибежиште и сила

1За крајот. За Кореевите синови, псалм за тајните.

2 61,8 Бог ни е прибежиште и сила,

помошник во неволите што силно нѐ зафатија.

3 Ис 54,10; Јов 9,5-6 Затоа нема да се уплашиме кога земјата се тресе

и горите се преместуваат во срцето морско.

4 92,3 Забучеа и се разбрануваа водите нивни,

се затресоа горите од силата Негова.

5 67,16 Речните брзаци го веселат градот Божји;

Севишниот го освети живелиштето Свое.

6 124,1 Бог е среде него и тоа нема да се поколеба;

ќе му помогне Бог уште пред зори.

7 Откр 11,18; Пс 28,1-11 Се збунија народите, царствата се разнишаа;

го пушти гласот Свој, се затресе земјата.

8 9,9; 47,3; Ис 7,14; 8,9 Господ на силите е со нас,

заштитник ни е Бог Јаковов.

9 65,5 Дојдете и видете ги делата Божји,

чудесата што ги постави на земјата.

10 75,3; Ос 2,18 Прекратувајќи ги војните до краиштата земни,

ќе го скрши лакот, и оружјето ќе го здроби

и штитовите ќе ги изгори со оган.

11 5 Мојс 32,39 „Здивнете и познајте дека Јас сум Бог;

ќе се воздигнам во народите,

ќе се воздигнам на земјата“.

12Господ на силите е со нас,

заштитник ни е Бог Јаковов.