Псалми 109 - Нов превод на Псалмите од LXX 2024（MAK2024PS）

ПСАЛМ 109Помазаникот – вечен Цар и Првосвештеник

1 Мт 22,44; 26,64; Мк 12,36; Лк 20,42-43; Дела 2,34-35; 1 Кор 15,25; Евр 1,13; 10,32-33; 1 Птр 3,22 Псалм на Давид.

Му рече Господ на мојот Господ:

„Седи од Мојата десна страна,

додека не ги поставам непријателите Твои

за подножје на нозете Твои“.

2Жезолот на силата Твоја ќе Ти го испрати Господ од Сион

и Ти владеј среде непријателите Твои.

3 Суд 5,2; Ис 49,1 Со Тебе е власта во денот на силата Твоја,

во сјајот на светиите Твои;

уште пред Деницата Те родив од утробата.

4 88,3; 131,11; 1 Мојс 14,18; Евр 5,6; 7,16.20 Се заколна Господ и нема да се покае:

„Ти си свештеник довека, по чинот Мелхиседеков“.

5 15,8; Ис 63,6 Господ, Кој е од Твојата десна страна,

во денот на Својот гнев здроби цареви;

6 67,21 Тој ќе суди меѓу народите,

ќе ги исполни со трупови,

ќе ги здроби главите на мнозина на земјата.

7Од потокот на патот Тој ќе пие,

затоа ќе ја извиши главата.