Псалми 78 - Нов превод на Псалмите од LXX 2024（MAK2024PS）

ПСАЛМ 78Плач поради разорувањето на Ерусалим

1 4 Цар 25,9-10; Плач 1,10 Ис 17,1; 24,2; Ер 26,18; Мих 1,6; 3,11 Псалм на Асаф.

Боже, дојдоа незнабошците во наследството Твое,

го осквернија светиот храм Твој,

го направија Ерусалим како кошара за зеленчук.

2 79,12-13; Ер 7,33; 18,6 Мртвите тела на слугите Твои ги поставија за храна на птиците небесни,

месото на светиите Твои – на ѕверовите земни;

3 Ер 14,16; Соф 1,17; 1 Мак 7,17 ја пролеаја крвта нивна како вода околу Ерусалим

и немаше кој да погребува.

4 43,13-14; 79,6; 5 Мојс 28,37; 3 Цар 9,7; Ер 24,9; 48,26; Ез 14,8; Соф 2,8 Станавме за подбив на соседите наши,

потсмев и срам за оние околу нас.

5 43,23; 73,1; 88,46; 5 Мојс 4,24 До кога, Господи, докрај ќе се гневиш

и како оган ќе се распалува ревноста Твоја?

6 13,4; Ер 10,25; Сир 36,1-5; 1 Сол 4,5 Излеј го гневот Свој на незнабошците кои не Те знаат

и на царствата што името Твое не го повикаа;

7 Ер 50,7 зашто го изедоа Јакова

и местото негово го запустија.

8 141,6 Не спомнувај ги нашите стари беззаконија;

брзо нека нѐ пресретнат милостите Твои, Господи,

зашто осиромашивме многу.

9 2 Мојс 32,12; Ез 20,44; 36,21 Помогни ни, Боже, Спасителу наш;

заради славата на името Твое, Господи, избави нѐ;

и очисти ги гревовите наши заради името Твое,

10 41,3; 101,20; 114,2; 125,2; 5 Мојс 32,43; Јоил 2,17; 3,20; Јов 16,18 да не речат некогаш народите: „Каде е нивниот Бог?“

И пред нашите очи нека се обзнани меѓу народите

осветата за пролеаната крв на слугите Твои.

11Пред Тебе нека стигне воздишката на окованите;

со силата на мишката Твоја сочувај ги синовите на убиените.

12 88,50 Прекорот, со кој Те прекоруваа, Господи,

возврати им го на нашите соседи седумкратно во пазувите нивни.

13 73,1; 79,1; 94,7; 99,3; Ер 23,1; Ез 34,31 А ние, народот Твој и овците од пасиштето Твое,

ќе Те славиме довека,

од поколение во поколение ќе ја објавуваме пофалбата Твоја.