Псалми 137 - Нов превод на Псалмите од LXX 2024（MAK2024PS）

ПСАЛМ 137Благодарност за Божјата помош

1 9,1; 85,12 На Давид.

Ќе Те славам, Господи, со сето срце свое,

зашто ги услиша сите зборови на устата моја

и пред ангелите ќе Те воспевам.

2 5,7 Ќе се поклонам на Твојот свет храм

и ќе го славам името Твое

заради милоста Твоја и вистината Твоја.

3Во денот во кој ќе Те повикам, брзо услиши ме;

во душата моја ќе ме обдариш со Твојата сила.

4 68,3 Нека Те слават, Господи, сите цареви земни,

зашто ги слушнаа сите зборови на устата Твоја.

5И нека пеат песни Господови,

зашто голема е славата Господова.

6 112,5-6 Зашто возвишен е Господ и на смирените погледна,

и она што е вишно оддалеку го познава.

7 22,4; 117,16 Ако појдам среде неволја, ќе ме оживееш;

врз гневот од непријателите мои ја простре раката Твоја

и ме спаси десницата Твоја.

8 105,1; 136; Јов 14,15 Господ ќе им возврати за мене.

Господи, милоста Твоја е довека,

делата на рацете Твои не презирај ги.