IINDUMISO 95 - isiXhosa 1975

Umbongo kuThixo; isilumkiso malunga nokungeva

1Yizani simemelele kuYehova,

Sidume kwiliwa lokusindiswa kwethu.

2Masize phambi kobuso bakhe sinombulelo,

Masidume kuye ngeengoma.

3Ngokuba uThixo omkhulu nguYehova,

NguKumkani omkhulu ngaphezu koothixo bonke.

4Uzisesandleni sakhe iingontsingontsi zehlabathi,

Neencopho zeentaba zezakhe.

5Ulolwàkhe ulwandle, nguyena walwenzayo;

Nomhlaba owomileyo zawubumba izandla zakhe.

6Yizani, masiqubude, siguqe,

Sithobe phambi koYehova umenzi wethu.

7Ngokuba nguThixo wethu yena,

Thina ke singabantu bokwalúswa nguye, nezimvu zesandla sakhe.

Namhla, ukuba ninokuliva izwi lakhe,

8Musani ukuyenza lukhuni intliziyo yenu, njengaseMeribha,•

Njengemini yaseMasa entlango;

9Oko bandilingáyo ooyihlo.

Bandicikida, bewubona umsebenzi wam.

10Iminyaka yaba ngamashumi amané ndikruqukile sesi sizukulwana,

Ndathi, Ngabantu abantliziyo zindwendwayo,

Àbazazi iindlela zam bona;

11Endada ndafunga ndinomsindo, ukuthi,

Inene, abasayi kungena ekuphumleni kwam.

Blog
About Us
Message
Site Map

Who We AreWhat We EelieveWhat We Do

Terms of UsePrivacy Notice

2025 by iamachristian.org,Inc All rights reserved.

Home
Gospel
Question
Blog
Help