IINDUMISO 82 - isiXhosa 1975

Abaphathi abaswele ubulungisa bayakhalinyelwaUmhobe ka-Asafu.

1UThixo umi ebandleni likaThixo,

Ugweba phakathi koothixo; uthi,

2Kunini na nigweba ngobugqwetha,

Nibanonelela abangendawo? (Phakamisani.)

3Thethani ityala losweleyo nelenkedama,

Gwebelani olusizana nolihlwempu.

4Sizani osweleyo nolihlwempu,

Bahlanguleni esandleni sabangendawo.

5Àbazi, abaqondi,

Bahamba-hamba emnyameni;

Ziyashukuma zonke iziseko zehlabathi.

6Ndithe mna, Ningoothixo,

Ningoonyana bOsenyangweni nonke niphela.

7Noko niya kufa njengomntu,

Niwe njengomnye kubathetheli.

8Khawusuk' ume, Thixo, gweba ehlabathini;

Ngokuba ùya kuzidla ilifa wena zonke iintlanga.