IINDUMISO 61 - isiXhosa 1975

Ukukholosa ngogcino lukaThixoKumongameli; eyokubethelwa ngezinto ezineentambo. EkaDavide.

1Kuve, Thixo, ukuhlahlamba kwam;

Wubazele indlebe umthandazo wam.

2Ndidanduluka kuwe ndisesiphelweni sehlabathi, ekutyhafeni kwentliziyo yam;

Ndíkhaphele eweni elisemalengalengeni kum.

3Ngokuba ulihlathi lam,

Uyinqaba ende eliqele phambi kotshaba.

4Ndiya kuphambukela ententeni yakho ngonaphade,

Ndiya kuzímela ngesithe lamaphiko akho. (Phakamisani.)

5Ngokuba wena, Thixo, uzivile izibhambathiso zam;

Ubaniké ilifa abaloyikayo igama lakho.

6Ùya kongeza imihla emihleni yokumkani;

Iminyaka yakhe iya kuba njengezizukulwana ngezizukulwana;

7Úya kuhlala ngonaphakade phambi koThixo;

Mmisele inceba nenyaniso, ukuba zimlondoloze.

8Kukhona ndiya kulibethela uhadi igama lakho ngonaphakade,

Ndizizalise izibhambathiso zam imihla ngemihla.