IINDUMISO 14 - isiXhosa 1975

Ubudenge babantu nenkohlakalo yaboKumongameli. EkaDavide.

1Sithi isidenge entliziyweni yaso, Akukho Thixo.

Bonákalisile, balisikizi ngeentlondi zabo;

Akukho wenza okulungileyo.

2UYehova esemazulwini uqondele koonyana babantu,

Ukubona ukuba ukho na oqiqayo,

Oquqela kuThixo.

3Bonke batyekile, bayimbozisa bephelele;

Akukho wenza okulungileyo,

Akukho nokuba abe mnye.

4Àbanakwazi na bonke abasebenzi bobutshinga,

Àbathi, bebadla abantu bam, bathi badla isonka,

Bangamnquli uYehova?

5Apho bankwantya benkwantyile;

Ngokuba uThixo usesizukulwaneni samalungisa.

6Icebo losizana ningálidanisa,

Kodwa uYehova ulihlathi lalo.

7Akwaba bekuvela eZiyon ukusindiswa kwamaSirayeli!

Ekubabuyiseni kukaYehova abantu bakhe ekuthinjweni,

Wogcoba uYakobi, avuye uSirayeli.