Paltiing 18 - Bible with DC

Ti Pannakatnag ti Babilonia

1Kalpasanna, nakitak ti sabali nga anghel a bumabbaba manipud langit. Adda dakkel a turayna ket rinaniagan ti dayagna ti entero a daga.

2“Natnagen!”Is. 21:9; Jer. 51:8; Pal. 14:8; Is. 13:21; Jer. 50:39. impukkawna. “Natnagen ti Babilonia nga agdindinamag a siudad! Taeng laengen dagiti demonio ken dakes nga espiritu. Pagaponanen ti amin a kita ti agkakarugit ken nakarimrimon a tumatayab.

3TaIs. 23:17; Jer. 51:7. pinainumna dagiti amin a pagilian iti naingel nga arak ti kinaderrepna. Nakikamalala kenkuana dagiti ar-ari iti daga, ket bimmaknang dagiti agtagtagilako ditoy lubong gapu iti aglablabes a kinaderrepna.”

4NangngegkoIs. 48:20; Jer. 50:8; 51:6, 45. ti sabali pay a timek a naggapu sadi langit a kunana:

“Adaywanyo, rummuarkayo kenkuana, tattaok!

Saankayo a makiraman kadagiti basbasolna,

tapno diyo baklayen met ti pannakadusana!

5TaGen. 18:20-21; Jer. 51:9. tumukno sadi langit ti kaadu ti basolna,

Ket dinto malipatan ti Dios ti kinadakesna.

6Ipalak-amyoSal. 137:8; Jer. 50:29. kenkuana ti inaramidna kadakayo.

Ibalesyo iti mamindua ti impaayna.

Punnoenyo ti kopana iti inumen

a napapait ngem ti insaganana kadakayo.

7NoIs. 47:7-9. kasano ti kinapasindayag ken kinabarayuboyna,

Kasta met ti rigat ken ladingit nga ipalak-amyo kenkuana.

Ta kanayon nga ibagbagana iti bagina:

‘Naisaadak a reyna,

saanak a maysa a balo.

Diakto aglak-am iti ladingit uray kaano!’

8Gapu iti daytoy, aggigiddan nga agdissuor kenkuana dagiti didigra iti uneg ti maysa nga aldaw,

Angol, ladingit ken bisin.

Ket mapuoranto agingga a dumapu,

ta mannakabalin ni Apo Dios a mangukom kenkuana.”

9MapuorantoEze. 26:16-17. ti siudad ket agdung-aw ken agsasangitto dagiti ar-ari a nakikamalala ken nakiraman iti kinaderrepna inton makitada ti asuk ti apuy a mangikisap kenkuana.

10Agtakderdanto iti adayo agsipud ta mabutengda a mairaman iti pannakadusana. Kunadanto: “Nakabutbuteng! Iti uneg laeng ti maysa nga oras, nalpasen ti pannakadusa ti agdindinamag a siudad ti Babilonia!”

11SangitanEze. 27:31, 36. ken dung-awanto met dagiti agtagtagilako ditoy daga ta awanen ti gumatang kadagiti tagilakoda.

12AwanenEze. 27:12, 13, 22. ti gumatang kadagiti balitok, pirak, agkakapateg a bato ken perlasda; kadagiti linen, ube, seda ken nalabaga a lupot; kadagiti amin nga agkakabanglo a kayo ken amin a kita ti alikamen a naaramid iti marfil ken agkakangina a kayo, bronse, landok ken marmol;

13ken kadagiti kanela, rekado, insenso, mirra ken olibano; kadagiti arak ken lana, arina ken trigo; kadagiti baka ken karnero, kabalio ken lugan, tagabu, kayatna a sawen, dagiti kararua dagiti tattao.

14Kunanto kenkuana dagiti agtagtagilako: “Awanen dagiti naimbag a bambanag a kayatmo a tagikuaen, ket saanton a mapasubli ti amin a kinabaknangmo agraman ti kinapintasmo!”

15SaanEze. 27:31, 36. nga umasideg dagiti agtagtagilako a bimmaknang iti dayta a siudad agsipud ta mabutengda a mairaman iti panagsagabana. Agsangit ken agdung-awdanto,

16a kunada, “Nakabutbuteng ti napasamak iti agdindinamag a siudad! Agkawkawes idi iti nalabaga a lupot, de lana ken ube. Agar-aramat idi kadagiti alahas a balitok, agkakapateg a bato ken perlas!

17ItiIs. 23:14; Eze. 27:26-30. las-ud laeng ti maysa nga oras, nagbalinda amin a dapu!”

Manipud iti adayo, agbuybuya dagiti amin a kapitan ken tripulante ti barko, dagiti pasahero ken ti dadduma pay nga aggapu iti taaw ti pagbiagda.

18AgsangsangitdaEze. 27:32. a mangbuybuya iti asuk ti maur-uram a siudad. “Awan umasping iti kinalatak dayta a siudad!” kinunada.

19InikkandaEze. 27:30-34. dagiti uloda iti tapok ket kinunada a sililiday: “Nakabutbuteng! Nakaam-amak ti napasamak iti agdindinamag a siudad! Dayta a siudad ti bimmaknangan dagiti amin nga adda barkona nga agbibiahe. Ngem napukawna amin iti uneg ti maysa nga oras!”

20Agragsakka,Deut. 32:43; Jer. 51:48. O langit, gapu iti pannakadadaelna; agragsakkayo, dakayo a tattao ti Dios, dakayo nga apostoles ken dakayo a profeta! Ta inukom ti Dios gapu iti inaramidna kadakayo!

21Kalpasanna,Jer. 51:63-64; Eze. 26:21. nangala ti maysa a mannakabalin nga anghel iti bato a kas iti kadakkel ti gilingan ket impurruakna iti baybay a kunkunana: “Kastoyto ti nakaam-amak a pannakatnag ti Babilonia nga agdindinamag a siudad, ket saanton a makita uray kaanoman.

22SaantonEze. 26:13; Is. 24:8. Jer. 7:34; 25:10. a mangngeg iti siudadmo ti tokar dagiti umaarpa ken musiko, dagiti agpuypuyot iti fluta ken trumpeta. Awanton ti masarakan kenka a managpartuat. Saanton nga aguni dagiti gilingan!

23Saannakanto metten a raniagan ti uray maysa a pagsilawan; saanto metten a mangngeg dagiti naragsak a timek ti agkasar. Dagiti komersiantem ti kabibilgan iti amin a lubong. Inallilawmo dagiti amin a nasion babaen iti salamangka.”

24NadusaJer. 51:49. ti Babilonia gapu ta nasarakan kenkuana ti dara dagiti profeta, dagiti tattao ti Dios ken dagiti amin a napapatay iti sangalubongan.