Dagiti Salmo 16 - Bible with DC

Kararag ti Panagtalek

1Salaknibannak, O Dios,

ta sika ti pagkamangak.

2Kunak iti Apo, “Sika ti Apok;

naggapu kenka ti amin a naimbag nga adda kaniak.”

3Nagimbag ketdin dagiti

mapagtalkan a tattao ti Apo!

Pagragsakak unay ti pannakikaduak kadakuada.

4Dagiti agkamang kadagiti sabali a dios,

paaduenda laeng ti parikutda.

Diakto kumuyog kadagiti panagidatonda

wenno agdaydayaw kadagiti didiosenda.

5Sika laeng, O Apo, ti adda kaniak,

ket itedmo amin ti kasapulak;

adda kadagita imam ti masakbayak.

6Nakaskasdaaw dagiti sagutmo kaniak;

pasigda amin a nakasaysayaat.

7Idaydayawko ti Apo ta idaldalannak;

iti rabii patigmaanannak ti konsensiak.

8KanayonAra. 2:25-28. a mariknak ti kaadda ti Apo,

asideg ket awan ti pakaan-anoak.

9Ngarud, napnoanak iti rag-o ken ragsak

ket kanayon a natalged ti riknak.

10Ngamin,Ara. 13:35. iti bileg ni patay salaknibannak,

ket iti lubong dagiti natay,

dimo bay-an nga agrupsa ti ay-ayatem.

11Isurom kaniak ti dalan nga agturong iti biag;

ti kaaddam kaniak, punnoennak iti rag-o,

ket ikkannak iti agnanayon a ragsak.