1Manipud kaunggan ti panagtuokko,
umawagak kenka, O Apo!
2O Apo, denggem kadi toy asugko,
ipangagmo kadi ti panagpatulongko.
3O Apo, no tutopam dagiti basbasolmi,
siasino ti makalisi iti pannusam?
4Ngem pakawanennakami,
tapno agbutengkami ken agdayawkam kenka.
5Sigagagarak a manguray iti tulong ti Apo,
ket mangnamnamaak iti saona.
6Ur-urayek ti Apo;
ad-adda pay ti panangseggak ngem ti panangsegga
dagiti agbambantay iti idadateng ti bigat.
7O Israel, agtalekka iti Apo,
ta saan nga agbalbaliw ti ayatna,
ket kanayon a siaayat a mangisalakan.
8IsalakannantoMat. 1:21; Tit. 2:14. dagiti Israelita
kadagiti amin a basbasolda.
Who We AreWhat We EelieveWhat We Do
2025 by iamachristian.org,Inc All rights reserved.
