Dagiti Salmo 136 - Bible with DC

Kanta a Pagyaman

1Naimbag1 Cron. 16:34; 2 Cron. 5:13; 7:3; Ez. 3:11; Sal. 100:5; 106:1; 107:1; 118:1; Jer. 33:11. ti Apo,

ket agyamankayo ngarud kenkuana;

agnanayon ti di agbaliw nga ayatna.

2Agyamankay iti Dios dagiti didios;

agnanayon ti di agbaliw nga ayatna.

3Agyamankay iti Apo dagiti appo;

agnanayon ti di agbaliw nga ayatna.

4Isu laeng ti makaaramid

kadagiti naindaklan a milagro;

agnanayon ti di agbaliw nga ayatna.

5InaramidnaGen. 1:1. dagiti langit babaen iti kinasiribna;

agnanayon ti di agbaliw nga ayatna.

6ImpasdeknaGen. 1:2. ti daga iti rabaw dagiti danum;

agnanayon ti di agbaliw nga ayatna.

7PinarsuanaGen. 1:16. ti init ken ti bulan;

agnanayon ti di agbaliw nga ayatna.

8Insaadna ti init a mangituray iti aldaw;

agnanayon ti di agbaliw nga ayatna.

9Inkabilna ti bulan ken dagiti bituen a mangituray iti rabii;

agnanayon ti di agbaliw nga ayatna.

10PinataynaEx. 12:29. dagiti inauna a lallaki nga annak dagiti Egipcio;

agnanayon ti di agbaliw nga ayatna.

11InruarnaEx. 12:51. dagiti Israelita idiay Egipto;

agnanayon ti di agbaliw nga ayatna.

12Inruarna ida babaen iti nabileg

ken mannakabalin a takkiagna;

agnanayon ti di agbaliw nga ayatna.

13PinagbingaynaEx. 14:21-29. ti Nalabaga a Baybay;

agnanayon ti di agbaliw nga ayatna.

14Ket indauloanna a nagna dagiti tattaona;

agnanayon ti di agbaliw nga ayatna.

15Ngem linemmesna ti Faraon ken ti armadana;

agnanayon ti di agbaliw nga ayatna.

16Impanguloanna dagiti tattaona iti ilalasatda idiay let-ang;

agnanayon ti di agbaliw nga ayatna.

17Nagpapatay kadagiti nabibileg nga ari;

agnanayon ti di agbaliw nga ayatna.

18Nagpapatay kadagiti agdindinamag nga ari;

agnanayon ti di agbaliw nga ayatna.

19NiNum. 21:21-30. Sihon nga ari dagiti Amorreo;

agnanayon ti di agbaliw nga ayatna.

20KenNum. 21:31-35. ni Og nga ari ti Basan;

agnanayon ti di agbaliw nga ayatna.

21Intedna ti dagada kadagiti tattaona;

agnanayon ti di agbaliw nga ayatna.

22Wen, intedna ken ni Israel nga adipenna;

agnanayon ti di agbaliw nga ayatna.

23Dinatay nalipatan idi naparmektayo;

agnanayon ti di agbaliw nga ayatna.

24Ket inispalnatayo kadagiti kabusortayo;

agnanayon ti di agbaliw nga ayatna.

25Ikkanna iti kanen ti amin a pinarsuana;

agnanayon ti di agbaliw nga ayatna.

26Agyamankayo iti Dios ti langit;

agnanayon ti di agbaliw nga ayatna.