San Mateo 11 - Bible with DC

Dagiti Imbaon ni Juan a Mammuniag(Luc. 7:18-35)

1Kalpasan ti panangbilin ni Jesus kadagiti sangapulo ket dua nga adalanna, pimmanaw iti dayta a lugar tapno mapan mangisuro ken mangasaba kadagiti il-ili nga asideg sadiay.

2Adda ni Juan a Mammuniag iti pagbaludan idi nadamagna dagiti ar-aramiden ni Cristo ket imbaonna ken ni Jesus ti sumagmamano kadagiti adalanna.

3“Sika kadi ti umayto a kas inkaskasaba ni Juan, wenno agpadaankami iti sabali?” sinaludsodda kenkuana.

4Simmungbat ni Jesus, “Agsublikayo ken ni Juan ket ibagayo kenkuana ti mangngeg ken makitayo:

5makakita ken kayat a rabsuten dagiti narungsot a tattao.

13Agingga iti tiempo ni Juan, amin dagiti profeta ken ti Linteg ni Moises nagsaoda iti maipapan iti Pagarian.

14NoMlk. 4:5; Mat. 17:10-13; Mar. 9:11-13. patienyo ti saoda, ni Juan ti Elias a naipadto ti yaayna.

15Dumngeg ngarud ti siasinoman nga addaan pannakaawat.

16“Ngem ania ti pangipadaak kadagiti tattao kadagitoy nga aldaw? Kasda la ubbing nga agtugtugaw iti tiendaan. Ipukkaw ti maysa a grupo kadagiti kaay-ayamda:

17‘Nagtokarkami iti naragsak, ngem dikay nagsala. Nagkantakami iti naliday, ngem dikay nagsangit!’

18“Immay ni Juan ket nagay-ayunar ken saan nga immin-inum iti arak, ket kunkuna dagiti tattao nga isu ket linuganan ti demonio.

19“Immay ti Anak ti Tao, nangnangan ken immin-inum, ket kunkunada, ‘Kitaenyo daytoy a tao, narawet ken mammartek, gayyem dagiti agsingsingir iti buis ken dadduma pay a dakes a tattao!’ Nupay kasta, maipakita ti kinasirib ti Dios babaen kadagiti gapuananna.”

Mababalaw dagiti Ili a di Agbabawi(Luc. 10:13-15)

20Binabalaw ni Jesus dagiti il-ili a nakaaramidan ti kaaduan kadagiti milagrona agsipud ta di nagbabawi dagiti tattao kadagiti basbasolda.

21“AsikantoIs. 23:1-18; Eze. 26:1–28:26; Jl. 3:4-8; Am. 1:9-10; Zac. 9:2-4. pay, Corazin! Asikanto met, Betsaida! No naaramid koma idiay Tiro ken Sidon dagiti milagro a naaramid kadakayo, nabayag koman nga impakita dagiti tattao sadiay ti panagbabawida babaen iti panagkawesda iti nakersang ken ti panangwarakiwakda iti dapu kadagiti bagbagida.

22Laglagipenyo ngarud nga inton Aldaw ti Panangukom, nalaglag-anto ti panangdusa ti Dios iti Tiro ken Sidon ngem ti panangdusana kadakayo.

23“KetIs. 14:13-15; Gen. 19:24-28. sika met, Capernaum, kayatmo kadi ti maitan-ok sadi langit? Saan a mabalin! Maitappuakkanto idiay infierno! No idiay koma Sodoma ti nakaaramidan dagiti milagro a naaramid iti yanmo, adda koma pay laeng ita ti Sodoma.

24LaglagipemMat. 10:15; Luc. 10:12. ngarud nga inton umay ti Aldaw ti Panangukom, nalaglag-anto ti panangdusa ti Dios iti Sodoma ngem ti panangdusana kenka.”

Umaykayo Kaniak ket Aginanakayo(Luc. 10:21-22)

25Iti dayta a tiempo, kinuna ni Jesus, “Agyamanak kenka, Ama nga Apo ti langit ken daga, ta impakitam kadagiti awan adalna ti inlemmengmo kadagiti mamasirib ken kadagiti nasaririt.

26Wen, Ama, naaramid daytoy ta isu ti pagayatam.

27“IntedJn. 3:35; Jn. 1:18; 10:15. kaniak ni Amak ti isuamin a banag. Awan ti makaam-ammo iti Anak no di laeng ti Ama. Awan met ti makaam-ammo iti Ama no di laeng ti Anak ken dagiti kayat ti Anak a pangipakaammoan kenkuana.

28“Umaykayo kaniak, dakayo amin a nabannog ken madagdagsenan, ket paginanaenkayo.

29AlaenyoJer. 6:16. ti sangolko, ket agsursurokayo kaniak agsipud ta naemma ken napakumbabaak, ket masarakanyonto ti inana.

30Ta nanam-ay ti sangol nga itedko kadakayo, ket nalag-an ti awit nga ipabaklayko kadakayo.”