Dagiti Salmo 81 - Bible with DC

Kanta iti Fiesta

1Idir-iyo ti ragsakyo iti Dios a salaknibtayo;

iti Dios ni Jacob ikantayo ti pagdayawyo.

2Agkantakayo a buyogan iti pandereta,

danggayanyo iti naaweng a lira ken arpa.

3Pagunienyo

Mangngegko ti timek ti diak am-ammo,

6“Inikkatko ti nadagsen nga awit iti abagam;

innalak ti basket nga ig-iggamam.

7IdiEx. 17:7; Num. 20:13. adda rigatmo, immawagka kaniak ket inlisika;

manipud gurruod a paglemlemmengak, sinungbatanka,

sinuotka idi addaka iti ubbog ti Meriba.

8Denggem, O ilik, ti ballaagko kenka.

O Israel, ipangagnak la koma!

9AwantoEx. 20:2-3; Deut. 5:6-7. ti sabali a dios iti nagtengngaanyo,

wen, saankayto nga agrukbab iti sabali a dios.

10Siak ni Yahweh a Diosmo

a nangiruar kenka idiay Egipto;

agngangaka laeng ket itedko ti taraonmo.

11“Ngem didak impangag dagiti tattaok;

saan a nagtulnog kaniak ti Israel.

12Gapu iti kinasukirda binaybay-ak ida

nga agaramid iti aniaman a kayatda.

13No dumngeg la koma kaniak ti ilik,

no agtulnog ti Israel kaniak,

14nalaka a parmekek dagiti kabusorna,

ket abakek amin a bumusor kenkuana.

15Agrukbab a sibubuteng dagiti gumurgura kaniak,

ket saan nga agpatingga ti pannakadusada.

16Ngem taraonankanto iti kasayaatan a trigo,

ket pennekenkanto iti kasam-itan a diro.”