Dagiti Salmo 3 - Bible with DC

Kararag iti Bigat a Pagdawat iti Tulong ti Dios

1OSam. 15:13–17:22. Apo, anian a nagadu dagiti kabusorko,

nagadu ketdin dagiti gumura kaniak!

2Pagsasaritaandak ket kunada,

“Saan a tumulong ti Dios kenkuana!”

3Ngem sika, O Apo, ti salaknibko;

pagballigiennak ket papigsaem ti pakinakemko.

4Umawagak ken ni Yahweh ket agpatulongak,

ket manipud iti nasantoan a turodna sungbatannak.

5Agiddaak ket maturogak;

Bumangonak iti agsapa ta agpatpatnag a salaknibannak ni Yahweh.

6Diak kabuteng dagiti rinibu a kabusor iti likmutko.

7Umayka, O Apo! Isalakannak, Diosko!

Parmekem amin a kabusorko,

ket pukawem ti bilegda a mangdangran kaniak.

8Aggapu ti balligi iti Apo—

bendisionanna koma dagiti bukodna a tattao.