Salmo 102 - Bible

25CheTumpa, nde ko jae iyɨpɨ wiwe ndiyapo ɨwɨ wae. Jare opaete mbaembae ara re oï wae, nde nderembiapo ko.

26Opaete jokua reta opata ko, erëi nde ndikota jaeño mái pewa. Opaete jokua reta indechita temimonde opa indechi wae rami. Jare kërái kía temimonde indechikue omombo wae rami jare joko wi omonde temimonde ipɨau wae, jukuärái wi nde ndiyapota uyeyapo waerä opaete mbaembae ara re oï wae pe.

27Erëi nde ndarau etei ndiyembɨambɨe. Nde jaeño mái pewa ndikota.