1Jayawe yuweru uwäe opaete Jacob doce taɨ iñemoñaa pewa reta tëta wasu Hebrón jee wae pe David oï wae pe. Jare omoë reta iñee David pe kuärái: “Nde ko jae orekäwe ïru jare oresoo ïru,” jei reta.
2“Saúl iko wɨteño yanemburuwicha wasurä rambuewe, nde ndiko nderuwata waerä sɨndaro reta ñeräro pe. Jare Tumpa jei ndewe kuärái: ‘Israel iñemoñaa reta che aiparawo wae reta ko. Jare pëti ara nde ndikota jae reta imburuwicha wasurä. Jare pëti owecha iyandarekoa rami, nde ndiyandareko kawita jese reta,’ jei ndewe.” Jukuärái jei reta David pe.
3Jayawe jokua tëta wasu Hebrón pe Israel pewa itenondewa reta uyemɨngeta David ndiwe, jare David uyapo pëti yemɨngeta ikawi wae jae reta ndiwe Tumpa jowai. Jare joko wi jae reta upɨyere David iñäka re olivo iaceite jukuärái uikuaaka waerä jae reta umbɨjee ma David imburuwicha wasurä.
4Jayawe David ime wɨreko treinta año yawe, umbɨpɨ iko Israel pewa reta imburuwicha wasurä cuarenta año rupi.
Who We AreWhat We EelieveWhat We Do
2025 by iamachristian.org,Inc All rights reserved.
