Génesis 10 - Bible

Noé iñemoñaa reta

1Uasa ma yawe ɨporu wasu, Noé taɨ reta Sem, Cam, jare Jafet ime wɨreko taɨ reta. Kua ko jae iñemoñaa reta jee:

Jafet iñemoñaa reta

2Jafet taɨ reta ko jae Gomer, Magog, Madai, Javán, Tubal, Mesec, jare Tiras jee wae reta.

3Gomer taɨ reta ko jae Asquenaz, Rifat, jare Togarma jee wae reta.

4Javán taɨ reta ko jae Elisa, Tarsis, Quitim, jare Rodanim jee wae reta.

5Amokue jae reta ipɨte wi uyapo jëta wasu retarä mar jembeɨ rupi. Pëti pëti iɨwɨ rupi uyemɨngeta iñee pe eteiño.Cam iñemoñaa reta

6Cam taɨ reta ko jae Cus, Mizraim, Fut, jare Canaán jee wae reta.

7Cus taɨ reta ko jae Seba, Havila, Sabta, Raama, jare Sabteca jee wae reta. Raama taɨ reta ko jae Seba jare Dedán jee wae reta.

8Pëti wae Cus iñemoñaa ko kuimbae Nimrod jee wae. Nimrod uyeyapo mburuwicha tenondewa imbaepuere wae.

9Tumpa ko umee chupe mbaepuere iko waerä jewaerekaa ñana rupiwa re ikawiete wae. Jáeramo jeise reta: “Tumpa tanemborɨ ndiko waerä jewaerekaa ñana rupiwa re ikawiete wae Nimrod rami,” jeise reta.

(

10-32Sem iñemoñaa reta rewa)