1Joko wi, pëti año ma uasa yawe, Tumpa uyapo jae jei wae rupi Sara pe.
2Yepe tëi Abraham indechi ma iko, jesewe jembireko Sara ipurúa jare oa imembɨ kuimbae kërái Tumpa jei chupe wae rupi.
3Jare Abraham umbɨjee taɨ Isaac.
4Juri ara ma Isaac oa wiwe, Abraham umbɨcircuncida taɨ Isaac kërái Tumpa jei chupe wae rupi.
5Isaac oa yawe, Abraham ime wɨreko pëti chiëto año.
6Jayawe Sara jei: “¡Tumpa chembupukaka ma yerowia rewe! Jare upukata wi che ndiwe opaete kía uyandu kua rewa wae,” jei.
7Jare Sara jei wi: “Yepe tëi opaete wae jei reta Abraham indechiete ma jare ndarau echa ipuere umee chewe chemembɨrä, erëi jesewe ambɨkambu aï chemembɨ kuimbae etei,” jei.
8Jayawe Isaac tuicha ma yawe, ichɨ umbɨkambupoi. Jayawe Abraham uyapo arete yerowia pewa, echa’ä Isaac ukambupoi ramo.
9Erëi Sara uecha Agar imembɨ Ismael oyoyai iko Isaac.
10Jáeramo jei Abraham pe: “¡Emombo jokua kuña täta uyeyokui wae imembɨ ndiwe! Echa’ä jae imembɨ mbaetɨta uyekou nembaembae re chemembɨ Isaac ndiwe,” jei chupe.
Who We AreWhat We EelieveWhat We Do
2025 by iamachristian.org,Inc All rights reserved.
