Levítico 1 - Bible

Tumpa jei Israel iñemoñaa reta pe kërái ueru mbaembae umee reta waerä chupe

1Pëti ara tupao japɨpe wi Tumpa ueni Moisés jare jei chupe kuärái:

2“Ere Israel iñemoñaa reta pe kuärái: ‘Ime yawe kía pepɨte wi uipota ueru mbae umee waerä Tumpa pe wae, tueru jɨmba reta ipɨte wi – ipuere pëti waka, owecha, ani kapura.

3‘Jare ueru yawe iwaka reta ipɨte wi uapɨka umee waerä Tumpa pe, Tumpa uyerowiata umae jese jae uyapo yawe kuärái: Tueru toro ipere mbaei wae tupao jöke jowai.

4Joko wi toñono ipo jɨmba iñäka re. Jukuärái jɨmba umanota oï Tumpa iarasɨ umbɨpɨakatu waerä jae teko onoi Tumpa kotɨ ramo.

5Jayawe tuyuka jokua toro Tumpa jowai. Jare pëti sacerdote Aarón taɨ reta ipɨte wi ueruta ko toro juwɨ Tumpa jowai. Jare uɨpita ko mbaerenda wasu tupao jöke jowai oï wae iyɨkeyɨke rupi toro juwɨ pɨpe.’ Jukuärái ere Israel iñemoñaa reta pe,” jei Tumpa Moisés pe.