Números 21 - Bible

4Jayawe Israel iñemoñaa reta oë yuraa ɨwɨtu wasu Hor jee wae wi, jare yuraa reta Mar Pɨ̈ta jee wae kotɨ awɨye waerä uasa reta ɨwɨ Edom jee wae rupi. Erëi ikueri uwata reta.

5Jáeramo umbɨpɨ iyengeta reta Tumpa kotɨ. Iyengeta reta wi Moisés pe jare jei reta chupe: “¿Maera pa nde orereru ɨwɨ Egipto wi numano waerä kua ɨwɨtini wasu rupi? Kua pe mbaetɨ tembiu jare ɨ awe ndou waerä. Jare orekueri ma jokua maná wi, echa’ä tembiu ipiche mbae wae ko.” Jukuärái iyengeta reta.

6Jayawe Tumpa ombou chupe reta mboi imbayachi jasɨete wae reta. Jare jukuärái jeta Israel iñemoñaa reta umano mboi uichuu reta ramo.

7Jáeramo jeta yuweru uyembatɨ reta Moisés oï wae pe, jare omoë reta chupe iñee: “Ore nduyawɨ ma Tumpa kotɨ jare ndekotɨ wi oreyengeta kachi wae rupi. Erëi iyerure mii Tumpa pe oreré umbɨsɨrɨ waerä kua mboi reta orewi,” jei reta Moisés pe. Jayawe Moisés uyerure Tumpa pe jese reta umbɨsɨrɨ waerä chuwi jokua mboi reta.

8Jare Tumpa jei Moisés pe kuärái: “Iyapo pëti mboiraanga jiero bronce pewa jokua mboi reta echa, jare iñono pëti ɨwɨra puku wae re. Joko wi embɨyemboɨ ɨwɨra mboiraanga rewe. Jayawe ipotawe mboi uichuu wae umae jese yawe, ukuera woita.” Jukuärái jei Tumpa Moisés pe.

9Jayawe Moisés uyapo pëti mboiraanga jiero bronce pewa, jare oñono pëti ɨwɨra puku wae re, jare umbɨyatɨka. Joko wi ipotawe mboi uichuu wae umae jese yawe, ukuera woi.