1Tumpa ikoño mái wae uyandareko oï cheré kërái pëti owecha iyandarekoa ikawi wae iowecha reta re uyandareko wae rami. Jáeramo ndarau uata chewe mbae awe.
2Kërái owecha iyandarekoa ikawi wae uruwata jare umbuputuu iowecha reta kapii ikawi wae rupi jare ɨ usɨrɨ ndewe wae rupi, jukuärái wi Tumpa chereruwata kawiete jare chembɨpɨakatu wi.
3Chatëɨ aï yawe, Tumpa chemɨkɨrëɨ ye. Jare chereruwata tape jupi wae rupi, echa’ä Tumpa ko jae jupiete wae.
4Jare nde, cheTumpa, chereruwata neï rambuewe, yepe tëi ou chewe mbaesusere reta jare yembɨawái jasɨ wae reta, jesewe akɨye’ä chuwi, echa’ä nde neï che ndiwe ramo.
Kërái owecha iyandarekoa ikawi wae wɨraa ipopoka ngächu rewe wae jare iɨwɨra wi uepɨ waerä pɨpe iowecha reta mbaemɨmba pochɨ wae reta wi, jukuärái wi nde ndiyandareko kawi cheré nembaepuere rupi. Jare jokua chembɨpɨakatu.
5Yepe tëi cherowaicho reta uipota cheyuka reta waerä tëi, erëi jesewe nde ndiyandareko kawi cheré chuwi reta. Jare nemee chewe tembiu ikawiete wae jae reta jowake, jare awapɨ akaru waerä chepɨawiwe rewe.
Jare nemae kawi cheré pëti mboupa jupiete wae ou opou ndepɨ wae rami.
Jare kërái kía umɨtɨnee copa uyepɨyere rewa wae rami, jukuärái wi chepɨa pe nde nemɨtɨnee mbaembae ikawi wae pɨpe.
6Aikuaa aï nde jekuaeño ndepɨakawita chewe jare cherauta opa cherekowe rewa. Jare aikota jaeño mái pewa nerëta pe nde ndiwe.
Who We AreWhat We EelieveWhat We Do
2025 by iamachristian.org,Inc All rights reserved.
