10Kuimbae Joaquín jee wae iko ɨwɨ Judá pewa reta imburuwicha wasurä rambuewe, ɨwɨ Babilonia imburuwicha wasu Nabucodonosor jee wae omondo isɨndaro reta uñeräro waerä tëta wasu Jerusalén pewa reta ndiwe. Jayawe opa oñowa reta tëta wasu Jerusalén awɨye waerä oë osi pëti awe.
(11-14)15Jare mburuwicha wasu Nabucodonosor wɨraaka Joaquín ɨwɨ Babilonia pe iperesorä. Wɨraaka wi tëta wasu Jerusalén wi ɨwɨ Babilonia pe Joaquín jembireko reta, jare ichɨ, jare imborɨa umbɨarakuaa wae reta, jare opaete ïru mburuwicha reta ɨwɨ Judá pewa.
(16)17Joko wi mburuwicha wasu Nabucodonosor umbɨjee Joaquín itutɨ Matanías jee wae ɨwɨ Judá pewa reta imburuwicha wasurä Joaquín ipepɨka pe. Erëi umbɨambɨe Matanías jee jare umbɨjee Sedequías.
Ɨwɨ Judá pewa reta imburuwicha wasu Sedequías jee wae rewa18Sedequías veintiún año wɨreko yawe, umbɨpɨ iko ɨwɨ Judá pewa reta imburuwicha wasurä. Jayawe jae iko tëta wasu Jerusalén pe jare ime wɨreko mbaepuere Judá pewa reta re once año rupi. Sedequías ichɨ Hamutal jee wae ko. Hamutal ko jae Jeremías tayɨ. Jeremías tëta wasu Libna jee wae pewa ko.
19Erëi mburuwicha wasu Sedequías uyapo mbaembae kachi wae reta Tumpa jowai kërái mburuwicha wasukue Joaquín uyapo wae rami.
20Jayawe Tumpa pochɨete tëta wasu Jerusalén jare ɨwɨ Judá pewa reta kotɨ, jare uyerowa chuwi reta, jare omombo reta iɨwɨ wi.
Ɨwɨ Babilonia pewa reta opa umɨamɨri tëta wasu Jerusalén pewa retaMburuwicha wasu Sedequías ombopochɨka wi ɨwɨ Babilonia imburuwicha wasu Nabucodonosor.
Who We AreWhat We EelieveWhat We Do
2025 by iamachristian.org,Inc All rights reserved.
