Números 27 - Bible

Tumpa umbɨjee Josué Moisés ipepɨka pe oï waerä

18Pëti ara Tumpa jei Moisés pe kuärái: “Iparawo kuimbae Nun taɨ Josué – jae ko kuimbae Espíritu Santo oï jese wae. Embɨjee jae opaete Israel iñemoñaa reta imburuwicharä,” jei.

19“Eraa Josué sacerdote tenondewaete Eleazar jowai. Jare opaete Israel iñemoñaa reta jowake, iñono ndepo iñäka re nembɨjee waerä Josué Israel iñemoñaa reta imburuwicharä ipɨau wae.

20Jare jokua mbaepuere nenoi Israel iñemoñaa reta re wae, emee wi Josué pe. Jukuärái opaete Israel iñemoñaa reta uyapota jae jei wae rupi,” jei chupe.

21“Añawe wiwe, Israel iñemoñaa reta uikuaa waerä chiñee re, Josué oota ko sacerdote tenondewaete Eleazar jowai, jare Eleazar uikuaata chiñee Urim rupi. Jokua rupi Eleazar uikuaakata Josué pe jare opaete Israel iñemoñaa reta pe mbae uyapota reta wae.” Jukuärái jei Tumpa Moisés pe.

22Jayawe Moisés uyapo opaete Tumpa jei chupe wae rupi, jare wɨraa Josué sacerdote tenondewaete Eleazar jowai opaete Israel iñemoñaa reta jowake.

23Jare joko pe Moisés oñono ipo Josué iñäka re, jare umbɨjee Israel iñemoñaa reta imburuwicharä kërái Tumpa jei chupe wae rupi.