Zechariah 11 - The Minor Prophets 1881 (John Davies, Ietwen)

1Agor, Lebanon, dy ddorau:

Ac ysed tân yn dy gedrwydd.

2Cwynfana ffinydwydden,

Canys cwympodd cedrwydd;

Difrodwyd y rhai ardderchog:

Cwynfenwch dderw Bashan;

Canys syrthiodd y goedwig amgauedig.

3Y mae llais cwynfan y bugeiliaid;

Canys difrodwyd eu hardderchowgrwydd hwynt:

Y mae swn rhuad cenawon llewod;

Canys difrodwyd balchder yr lorddonen.

4Fel hyn y dywedodd yr Arglwydd fy Nuw:

Bugeilia ddefaid y lladdfa.

5Y rhai y gwna eu perchenogion eu lladd,

Ac ni bydd euogrwydd arnynt;

A’u gwerthwyr a ddywedant;

Bendigedig fyddo yr Arglwydd;

A mi a gyfoethogir:

A’u bugeiliaid ni thosturiant wrthynt.

6Canys ni thosturiaf mwyach wrth drigolion y wlad,

Medd yr Arglwydd:

Ac wele fi yn gwneuthur i’r dynion fyned,

Bob un yn llaw ei gymydog,

Ac yn llaw ei frenin;

A drylliant y wlad;

Ac ni waredaf o’u llaw hwynt.

7A mi a fugeiliais ddefaid. y lladdfa;

Am hyny yn drueiniaid y defaid:

A chymerais i mi ddwy ffon,

Un a elwais Hyfrydwch,

Ac un a elwais Rhwymau;

A mi a fugeiliais y defaid.

8A mi a berais fyned o’r golwg y tri bugail mewn un mis:

A’m henaid a flinodd arnynt;

A’u henaid hwy hefyd a’m ffieiddiodd i.

9A dywedais Ni fugeiliaf chwi:

Yr hon sydd yn marw bydded farw,

A’r hon sydd guddiedig bydded guddiedig;

A’r gweddilledigion,

Ysant bob un gnawd eu gilydd.

10A chymerais fy ffon Hyfrydwch;

Ac a’i torais hi:

I ddiddimu fy nghyfamod;

Yr hwn a wnaethum â’r holl bobloedd.

11Ac efe a ddiddimwyd yn y dydd hwnw:

A gwybu felly drueiniaid y defaid a ddysgwylient wrthyf;

Mai gair yr Arglwydd oedd hyn.

12A dywedais wrthynt,

Os da yn eich golwg,

Rhoddwch fy nghyflog;

Ac os nad e, peidiwch:

A hwy a bwysasant yn gyflog i mi ddeg ar hugain arian.

13A dywedodd yr Arglwydd wrthyf, Bwrw ef i’r crochenydd;

Gwych y pris â’r hwn y’m prisiwyd ganddynt:

A mi a gymerais y deg ar hugain arian;

A bwriais ef i dŷ yr Arglwydd i’r crochenydd.

14A thorais fy ail ffon;

Y Rhwymau:

I ddiddymu y frawdoliaeth;

Rhwng Judah ac Israel.

15A’r Arglwydd a ddywedodd wrthyf,

Cymer eto i ti;

Offer bugail ffol.

16Canys wele fi yn codi bugail yn y wlad,

A’r rhai sydd o’r golwg nis gofwya,

Y crwydrol ni chais;

A’r ddrylliedig nis meddyga:

Yr hon sydd yn sefyll ni phortha;

A chig y fras a fwyty;

A’u hewinedd a ddryllia.

17Gwae y bugail diddim yn gadael y defaid;

Cleddyf fydd ar ei fraich a’i lygad. deheu:

Ei fraich gan wywo a wywa;

A’i lygad deheu gan dywyllu a dywylla.