Micah 3 - The Minor Prophets 1881 (John Davies, Ietwen)

PEN. III.—

1A mi a ddywedais,

Gwrandewch atolwg benaethiaid Jacob;

A llywiawdwyr tŷ Israel:

Onid i chwi;

Y perthyn gwybod y farn.

2Y rhai a gashewch ddaioni,

Ac a gerwch ddrygioni:

Y rhai a flingwch eu croen oddiam danynt;

A’u cnawd oddiam eu hesgyrn.

3A’r rhai a fwytant gnawd fy mhobl;

Ac a ddiosgant eu croen oddiam danynt;

Ac a ddrylliant eu hesgyrn:

Ac a friwiant megys yn y crochan;

Ac fel cig mewn pair.

4Yna y llefant ar yr Arglwydd;

Ac nis etyb hwynt:

Ac efe a guddia ei wyneb oddiwrthynt yn yr amser hwn;

Yn ol fel y bu eu gweithredoedd yn ddrwg.

5Fel hyn y dywedodd yr Arglwydd;

Am y proffwydi ag a wnant i’m pobl gyfeiliorni:

Y rhai a gnoant â’u danedd,

Ag a lefant heddwch:

A’r neb ni roddo i’w safn hwynt;

Darparant ryfel yn ei erbyn.

6Am hyn y bydd

nos i chwi rhag caffael gweledigaeth;

A thywyllwch i chwi rhag dewinio:

A mechlyd yr haul ar y proífwydi;

A’r dydd a ddûa arnynt.

7A’r gweledyddion a gywilyddiant,

A dewiniaid a wridiant;

A phawb o honynt a guddiant ar eu gwefus:

Am na rydd Duw ateb.

8Ond er hyny llawn wyf fi o nerth gan ysbryd yr Arglwydd;

Ac o farn a chadernid;

A fynegi i Jacob ei anwiredd;

Ac i Israel ei bechod.

9Gwrandewch hyn, atolwg,

Benaethiaid tŷ Jacob;

A llywiawdwyr tŷ Israel:

Y rhai a ffieiddiant farn;

Ac a wyrant bob uniondeb.

10Gan adeiladu Sion â gwaed:

A Jerusalem âg anwiredd.

11Ei phenaethiaid a farnant am wobr,

A’i hoffeiriaid a ddysgant am dâl;

A’i phroffwydi a ddewiniant am arian:

Ac ar yr Arglwydd y pwysant,

Gan ddywedyd,

Onid yw yr Arglwydd i’n plith;

Ni ddaw ddrygfyd arnom.

12Am hyny o’ch achos chwi;

Yr erddir Sïon yn faes:

A Jerusalem a fydd yn garneddau;

A mynydd y tŷ yn glogwyni gallt.