Habacuc 1 - The Minor Prophets 1881 (John Davies, Ietwen)

PEN. I.—

1Y baich yr hwn a welodd Habacuc y proffwyd.

2Hyd bryd Arglwydd y gwaeddaf,

Ac nis gwrandewi:

Llefaf wrthyt, trais,

Ac nid achubi.

3Paham y gwnei i mi weled anwiredd,

Ac y peri edrych ar flinder;

Anrhaith a thrais sydd o’m blaen:

Ac y mae y cyfyd dadl ac ymryson.

4Am hyny y llaesa cyfraith;

Ac nid â barn allan yn fuddugol:

Am fod y drygionus yn amgylchu yr uniawn;

Am hyny yr a allan farn ŵyrog.

5Edrychwch ar y cenedloedd a gwelwch;

A chan ryfeddu rhyfeddwch:

Canys mi a wnaf waith yn eich dyddiau;

Ni choeliwch y mynegir ef.

6Canys wele fi yn codi y Caldeaid;

Y genedl chwerw a phrysur:

Yr hon a rodia i ledled daear;

I feddianu cyfaneddoedd nad ydynt eiddo hi.

7Dychrynllyd ac ofnadwy yw hi:

Ohoni hi y daw allan ei barn a’i rhagoriaeth.

8A buanach na llewpardiaid yw ei meirch,

A llymach na bleiddiau hwyr;

A’i marchogion a lamant:

A’i marchogion a ddeuant o bell;

Ehedant fel eryr yn prysuro i fwyta.

9Hi a ddaw yn gwbl at drais;

Cyfeiriad eu wynebau sydd rhag blaen:

Ac efe a gasgl gaethion fel tywod.

10Ac efe a wetwyr freninoedd;

A thywysogion a fyddant yn chwerthiniad iddo:

Efe a chwardd wrth bob ymddiffynfa;

Efe a dyra lwch ac a’i cymer hi.

11Yna yr adnewydda wroldeb;

Ac a dramwya ac a drosedda:

Hwn, ei rym yw ei dduw.

12Onid wyt ti er cynt Oh! Arglwydd fy Nuw;

Fy Santaidd,

Ni byddwn farw:

Yn farnedigaeth y gosodaist ef;

Ac yn graig at geryddu yr ordeiniaist ef.

13Yn lanach o lygaid nac i weled drygioni;

Ac edrych ar flinfyd ni elli:

Paham yr edrychi ar droseddwyr;

Y tewi pan lynco gŵr drygionus un uniawnach nag ef.

14Ac y gwnei ddynion fel pysgod y môr:

Ac ymlusgiaid y sydd heb lywydd arnynt.

15Efe a’i cyfyd i fyny i gyd â bach;

Tyn ef yn ei rwyd;

Ac a’i casgl yn ei fallegrwyd:

Am hyny y llawenycha ac y gorfoledda.

16Am hyny yr abertha i’w rwyd;

Ac yr arogldartha i’w fallegrwyd:

Canys trwyddynt hwy y mae ei ran yn fras;

A’i fwyd yn ddanteithiol.

17A ga efe gan hyny waghau ei rwyd:

Ac nad arbedo ladd y cenedloedd yn wastadol.