Zechariah 3 - The Minor Prophets 1881 (John Davies, Ietwen)

1Ac efe a ddangosodd i mi Jehoshuah yr offeiriad mawr, yn sefyll gerbron cenad yr Arglwydd; a’r gwrthwynehwr yn sefyll ar y llaw ddehau iddo i’w wrthwynebu.

2A’r Arglwydd a ddywedodd wrth y gwrthwynebwr,

Yr Arglwydd a’th gerydda di y gwrthwynebwr;

Yr Arglwydd a’th gerydda di;

Yr hwn sydd yn ymhyfrydi yn Jerusalem:

Onid pentewyn yw hwn a gipiwyd o’r tân.

3A Jehoshuah oedd wedi ei wisgo â dillad budron: ac yn sefyll gerbron y genad.

4Ac efe a aeth rhagddo i ddywedyd wrth y rhai a safent ger ei fron gan ddywedyd: cymerwch ymaith y dillad budron oddiamdano: ac a ddywedodd wrtho ef, gwel, symudais dy anwiredd oddiwrthyt, a gwisger dithau â dillad ceinwych.

5A dywedais, gosoder meitr glân ar ei ben ef: a gosodasant y meitr glân ar ei ben ef, ac a’i gwisgasant â dillad; a chenad yr Arglwydd oedd yn aros.

6A chenad yr Arglwydd a dystiolaethodd wrth Jehoshuah gan ddywedyd:

7Fel hyn y dywedodd Arglwydd y lluoedd,

Os rhodi di yn fy ffyrdd,

Os cedwi yr hyn a orchymynais ei gadw;

Tithau hefyd a ferni fy nhŷ;

Ac a gedwi hefyd fy nghynteddoedd:

A rhoddaf i ti rodfëydd;

Yn mysg y rhai hyn sydd yn aros yma.

8Gwrando, atolwg, Jehoshuah, yr offeiriad mawr,

Ti a’th gymdeithion, sydd yn eistedd ger dy fron;

Canys gwŷr rhyfedd yw y rhai hyn:

O herwydd wele myfi yn dwyn allan fy ngwas Blaguryn.

9Canys wele y gareg,

Yr hon a roddais gerbron Jehoshuah;

Ar un gareg y mae saith lygaid:

Wele myfi yn cerfio ei cherfiad hi,

Medd Arglwydd y lluoedd;

A mi a symudaf ymaith anwiredd y wlad hon mewn un dydd.

10Yn y dydd hwnw,

Medd Arglwydd y lluoedd;

Y gelwch bob un ar ei gymydog:

Dan winwydden a than ffigyswydden.