Habacuc 3 - The Minor Prophets 1881 (John Davies, Ietwen)

PEN. III.—

1Cân Habacuc y Proffwyd:

Ar wedd Galarnad.

2Arglwydd, clywais son am danat,

Ofnais, Arglwydd;

Dy waith,

Yn nghanol blynyddoedd cadw ef yn fyw;

Yn nghanol blynyddoedd y peri wybod:

Mewn llid y cofi drugaredd.

3Duw a ddeuai o Teman;

A SANTAIDD o fynydd Paran, Selah,

Ei ogoniant a dodd wybrenau,

A’i fawl a lanwodd y ddaear.

4A byddai dysglaerdeb fel goleuni;

Pelydr iddo a ddeuent oddiwrtho:

Ac yno yr oedd cuddfa ei gryfdwr.

5O’i flaen y cerddai haint:

Ac elai pla allan wrth ei draed.

6Safodd a mesurodd wlad,

Edrychodd a dychrynodd genedloedd;

A drylliwyd mynyddoedd tragywyddol;

A chrynodd bryniau oesol:

Llwybrau oesol sydd iddo.

7Dan gystudd y gwelais bebyll Cusan:

Crynodd lleni gwlad Midian.

8Ai wrth yr afonydd y sorodd yr Arglwydd?

Ai wrth yr afonydd y bu dy ddig?

Ai wrth y môr y bu dy ŵg?

Gan y marchogit ar dy feirch;

Dy gerbydau iachawdwriaeth.

9Gan noethi y noethit dy fwa;

Gan lefaru llwon i lwythau, Selah:

Yn afonydd yr holltit wlad.

10Mynyddoedd a’th welsant,

Crynent;

Cefnllif dyfroedd a aeth ymaith:

Dyfnder a roddes ei lef;

Cododd ei dònau yn uchel.

11Haul, lloer a safodd yn eu preswylfa:

Mewn goleuni y cerddai dy saethau;

Dy waewffon wrth lewyrch mellt.

12Mewn llid y tramwyit wlad:

Mewn digter y dyrnit genedloedd.

13Aethost allan er iachawdwriaeth dy bobl;

Er iachawdwriaeth dy eneiniog:

Toraist benog allan o dŷ anwiriad;

Gan ddynoethi sylfaen hyd wddf, Selah.

14Trywanaist â’i ffyn ef ben ei dywysogion;

Ymgynddeiriogent i’m gwasgaru,

Ymlawenasant fel wrth ddifa tlawd mewn ymguddfa.

15Rhodiaist dy feirch trwy y môr:

Pentwr o ddyfroedd mawrion.

16Clywais, a chyffrodd fy mòl,

Wrth y swn crynodd fy ngwefusau;

Deuai pydredd i’m hesgyrn,

A chrynwn tanaf:

O herwydd fe’m dygir i ddydd trallod;

I fyned i fynu at bobl y rhai a’n llethant.

17Canys ffigysbren ni flodeua,

Ac ni bydd cynyrch ar y gwinwydd;

Palla gwaith olewydden;

A maesydd ni roddant fwyd:

Torwyd dafad o gorlan;

Ac ni bydd eidion wrth bresebau.

18Ond myfi a lawenychaf yn yr Arglwydd;

Gorfoleddaf yn Nuw fy iachawdwriaeth.

19Yr Arglwydd lôr yw fy nerth;

Ac efe a esyd fy nhraed fel traed ewigod;

Ac efe a wna i mi rodio ar fy uchel diroedd;

I’r prif gantawr ar fy offer tanau.