Micah 4 - The Minor Prophets 1881 (John Davies, Ietwen)

PEN. IV.—

1A bydd yn y dyddiau ar ol hyn,

Y bydd mynydd tŷ yr Arglwydd wedi ei sicrhau ar ben y mynyddoedd;

A dyrchefir ef yn uwch na’r bryniau:

A phobloedd a ddylifant ato.

2A chenedloedd lawer a ânt,

Ac a ddywedant,

Deuwch ac awn i fyny i fynydd yr Arglwydd,

Ac i dŷ Duw Jacob;

Ac efe a’n dysg ni yn ei ffyrdd;

Ac ni a rodiwn yn ei lwybrau:

Canys o Sïon yr â cyfraith allan;

A gair yr Arglwydd o Jerusalem.

3Ac efe a farna rhwng pobloedd lawer;

Ac a argyhoedda genedloedd cryfion hyd yn mhell:

A churant eu cleddyfau yn sychau;

A’u gwaewffyn yn bladuriau;

Ni chyfyd cenedl gleddyf yn erbyn cenedl:

Ac ni ddysgant ryfel mwyach.

4Ac eisteddant bob un dan ei winwydden a than ei ffigysbren,

Ac ni bydd a ddychryno:

Canys genau Arglwydd y lluoedd a lefarodd.

5Canys yr holl bobloedd a rodiant bob un yn enw ei dduw:

A ninau a rodiwn yn enw yr Arglwydd ein Duw byth ac yn dragywydd.

6Yn y dydd hwnw, medd yr Arglwydd,

Y casglaf y gloff,

Ac y cynullaf yr hon a yrwyd allan;

A’r hon a ddrygais.

7A gwnaf y gloff yn weddill;

A’r hon a symudwyd yn mhell yn genedl gref:

A’r Arglwydd a deyrnasa arnynt yn mynydd Sïon;

O yn awr hyd byth.

8A thithau twr Eder,

Bryn merch Sïon,

Hyd ataf y daw,

Ac yr â yr arglwyddiaeth gyntefig:

Teyrnas i ferch Jerusalem.

9Yn awr, paham y gwaeddi waedd:

Onid oes ynot frenin,

A ddarfu dy gynghorydd;

Canys gwewyr a’th gymerodd fel un yn esgor.

10Bydd mewn poen ac mewn gwewyr, ferch Sïon,

Fel un yn esgor:

O herwydd yn awr yr êi di allan o ddinas,

A thrigi yn y maes,

A thi a êi hyd Babel,

Yno y’th waredir;

Yno yr achub yr Arglwydd di;

O law dy elynion.

11Ac yn awr y casglwyd llawer o genedloedd i’th erbyn:

Y rhai a ddywedant, haloger hi;

Ac edryched ein llygaid ar Sïon.

12Ond ni wyddant hwy feddyliau yr Arglwydd;

Ac ni ddeallant ei gynghor ef:

Canys casglodd hwynt fel ysgubau i’r llawr dyrnu.

13Cyfod, a dyrna, ferch Sïon,

Canys dy gorn a osodaf yn haiarn,

A’th garnau a osodaf yn bres;

A thi a ddrylli bobloedd lawer:

A chysegri i’r Arglwydd eu helw hwynt;

A’n golud i Arglwydd yr holl ddaear,

14Yn awr yr ymgynulli ferch ysbeilgar;

Gosododd warchae arnom:

A’i wialen y tarawodd farnwr Israel,

Ar y gern.