Hosea 10 - The Minor Prophets 1881 (John Davies, Ietwen)

PEN. X.—

1Gwinwydden rywiog yw Israel:

Efe a ddyg ffrwyth arno:

Yn ol amlder ei ffrwyth,

Yr amlhaodd efe allorau;

Yn ol daioni ei dir;

Y gwnaethant ddelwau teg.

2Eu calon a ymranodd,

Yn awr y ceir hwy yn euog;

Efe a deifl i lawr eu hallorau;

Efe a ddystrywia eu delwau.

3Canys yn awr y dywedant;

Nid oes i ni frenin:

Am nad ofnasom yr Arglwydd;

A’r brenin,

Pa beth a wna i ni.

4Dywedasant eiriau;

Tyngu celwydd fu gwneuthur cyfamod:

A barn a dyf fel gwenwynllys;

Ar rychau maes.

5Am loi Bethafen;

Yr ofna preswylwyr Samaria:

Canys ei bobl a alarant am dano,

A’i offeiriaid a ddychrynant o’i herwydd;

O achos ei ogoniant, Am iddo ymadaw oddiwrtho.

6Hefyd efe ei hun a ddygir i Assuria;

Yn anrheg i frenin Jareb:

Ephraim a dderbyn gywilydd;

A chywilyddia Israel am ei gynghorion.

7Dinystriwyd Samaria:

Ei brenin a fydd fel asglodyn ar Wyneb dwfr.

8A dystrywir uchelfeydd Afen pechod Israel;

Dring drain a mieri ar eu hallorau hwynt:

A dywedant wrth y mynyddoedd,

Cuddiwch ni;

Ac wrth y bryniau, Syrthiwch arnom.

9Er dyddiau Gibeah;

Y pechaist Israel:

Yno y safasant;

Rhyfel yn erbyn plant anwiredd nis goddiwedda hwynt yn Gibeah.

10Y mae yn fy mryd i’w cosbi hwynt:

A phobloedd a gesglir yn eu herbyn;

Gan eu rhwymo hwynt am eu dau anwiredd.

11Ac Ephraim sydd yn aner wedi ei dysgu,

Yn hoff ganddi ddyrnu;

A minnau a af dros degwch ei gwddf hi:

Paraf farchogaeth Ephraim,

Juda a ardd;

Jacob sydd raid iddo lyfnu.

12Heuwch i chwi gyfiawnder,

Medwch drugaredd;

Braenerwch i chwi fraenar:

Ac y mae yn amser i geisio yr Arglwydd;

Hyd oni ddelo a gwlawio cyfiawnder arnoch.

13Arddasoch ddrygioni,

Medasoch anwiredd,

Bwytasoch ffrwyth celwydd:

Canys ymddiriedaist yn dy ffordd,

Yn lluosogrwydd dy gedyrn.

14A chyfyd terfysg yn mysg dy bobloedd,

A’th holl ymddiffynfeydd a ddinystrir;

Fel dinystr Shalman ar Beth Arbel yn nydd rhyfel;

Mam at blant a ddrylliwyd.

15Fel hyn y gwaeth Bethel i chwi;

Am eich mawr ddrwg chwi:

Yn foreu gan ddyfetha y dyfethwyd brenin Israel.