Amos 9 - The Minor Prophets 1881 (John Davies, Ietwen)

PEN. IX.—

1Gwelais yr Arglwydd yn sefyll ar yr allor,

Ac efe a ddywedodd,

Taro gapan y drws fel y siglo y gorsinau,

A thor hwynt oll o honynt yn y pen;

A’u gweddill hwynt a laddaf â’r cleddyf:

Ni ffy ymaith o honynt a ffo;

Ac ni ddianc o honynt a ddiango.

2Pe cloddient i’r byd isaf;

Fy llaw a’u tynai hwynt oddiyno:

A phed esgynant i’r wybrenau;

Mi a’u disgynwn hwynt oddiyno.

3A phe llechent ar ben Carmel;

Chwiliwn a chymerwn hwynt oddiyno:

A phed ymguddient o olwg fy llygaid yn ngwaelod y môr;

Oddiyno y gorchymynwn i’r sarph eu cnoi hwynt.

4Ac os ant yn gaethion o flaen eu gelynion;

Oddiyno y gorchymynaf i’r cleddyf eu lladd hwynt:

A gosodaf fy ngolwg arnynt er drwg ac nid er daioni.

5A’r Arglwydd, Arglwydd y lluoedd,

Yr hwn a gyffwrdd â’r ddaear a hi a dawdd;

A galara pawb a’r a drigant ynddi:

A hi a gyfyd oll o honi fel yr afon;

Ac a ostwng megys afon yr Aipht.

6Yr hwn a adeilada ei oruwch-ystafelloedd yn y nefoedd;

Ac a sylfaenodd ei ystorfeydd ar y ddaear:

Yr hwn a eilw ddyfroedd y môr,

Ac a’u tywallt ar wyneb y ddaear,

Yr Arglwydd yw ei enw.

7Onid ydych chwi meibion Israel i mi,

Fel meibion Ethiopiaid,

Medd yr Arglwydd:

Oni ddygais I Israel i fynu o dir yr Aipht;

A Philistiaid o Caphtor a Syriaid o Cir.

8Wele lygaid yr Arglwydd Iôr ar y deyrnas bechadurus;

A mi a’i dyfethaf hi oddiar wyneb y ddaear;

Er hyny ni lwyr ddyfethaf dŷ Jacob,

Medd yr Arglwydd.

9Canys wele myfi yn gorchymyn;

A mi a ogrynaf dŷ Israel yn mysg yr holl genedloedd:

Fel y gogrynir yn y gogr:

Ac ni syrth gronyn i’r llawr.

10Trwy gleddyf y bydd marw;

Holl bechaduriaid fy mhobl:

Y rhai a ddywedant,

Ni ddaw y drwg yn agos ac ni wyneba arnom.

11Yn y dydd hwnw,

Y codaf babell Dafydd yr hon a syrthiodd:

Ac a gauaf ei bylchau,

Ac a godaf ei hadfeilion;

Ac a’i hadeiladaf fel yn y dyddiau gynt.

12Fel y meddianont weddill Edom a’r holl genedloedd;

Y rhai y gelwir fy enw arnynt:

Medd yr Arglwydd sydd yn gwneuthur hyn.

Y rhai y gelwir fy enw arnynt:

Medd yr Arglwydd sydd yn gwneuthur hyn.

13Wele ddyddiau yn dyfod,

Medd yr Arglwydd,

Y goddiwes arddwr fedwr;

A sathrydd grawnwin hauwr yr hâd:

A’r mynyddoedd a ddefnynant win newydd,

A’r holl fryniau a lifant trostynt.

14A dychwelaf gaethiwed fy mhobl Israel;

A hwy a adeiladant ddinasoedd anrheithiedig ac â'u preswyliant.

A phlanant winllanoedd;

Ac a yfant o’u gwin hwynt:

A gwnant erddi;

Ac a fwytânt eu ffrwyth hwynt.

15A mi a’u planaf hwynt yn eu tir:

Ac nis diwreiddir hwynt mwyach o’u tir yr hwn a roddais iddynt;

Medd yr Arglwydd dy Dduw.