Micah 5 - The Minor Prophets 1881 (John Davies, Ietwen)

PEN. V.—

1A thydi, Bethlehem Ephratha,

Bychan yw bod yn mhlith miloedd Judah:

O honot ti y daw allan i mi;

Un i fod yn llywydd yn Israel;

A’i fynediad allan sydd er cynt, er dyddiau oesol.

2Er hyny, efe a’u rhydd hwynt i fyny;

Hyd amser esgoriad yr hon a esgoro:

A gweddill ei frodyr ef;

A ddychwelant at feibion Israel.

3Ac efe a saif ac a fugeilia trwy nerth yr Arglwydd;

Trwy enw gogoneddus yr Arglwydd ei Dduw:

A phreswyliant;

Canys yn awr efe a fydd mawr hyd eithafoedd daear;

A hwn fydd yn heddwch

4Assuriad pan ddel i’n tir ni,

A phan sathro o fewn ein palasau;

Ni a godwn yn ei erbyn saith fugeiliaid;

Ac wyth wyr o dywysogion.

5A hwy a ddrylliant dir Assur â’r cleddyf;

A thir Nimrod yn ei byrth ei hun:

Ac efe a weryd rhag Assur;

Pan ddel i’n tir;

A phan sathro o fewn ein terfynau.

6A bydd gweddill Jacob yn nghanol llawer o bobl;

Fel gwlith oddiwrth yr Arglwydd;

Fel cawodydd ar laswellt:

Yr hwn nid erys wrth ddyn;

Ac ni ddysgwyl wrth feibion dynion.

7A bydd gweddill Jacob yn mysg y cenedloedd,

Yn nghanol pobloedd lawer;

Fel llew yn mysg anifeiliaid coedwig;

Fel cenaw llew yn mysg deadellau defaid:

Yr hwn pan dramwya a sathra ac a ysglyfaetha,

Ac ni bydd a achubo.

8Dy law a ddyrchefir yn erbyn dy wrthwynebwyr;

A’th holl elynion a dorir ymaith.

9A bydd yn y dydd hwnw, medd yr Arglwydd;

Y toraf ymaith dy feirch o’th ganol di:

Ac y dinystriaf dy gerbydau.

10A thoraf i lawr ddinasoedd dy wlad:

A drylliaf dy holl ymddiffynfeydd.

11A thoraf ymaith swynion o’th law:

Ac ni bydd i ti ddewiniaid.

12A thoraf ymaith dy eilunod a’th ddelwau o’th blith:

Ac nid ymgrymi mwyach i waith dy ddwylaw.

13A diwreiddiaf dy dduwiesau o’th ganol:

A dinystriaf dy ddinasoedd.

14A gwnaf mewn dig a llid ddialedd ar y cenedloedd:

Y rhai ni wrandawsant.