Amos 1 - The Minor Prophets 1881 (John Davies, Ietwen)

PEN. I.—

1Geiriau Amos;

Yr hwn oedd yn mhlith y bugeiliaid o Tecoah:

Y rhai a welodd am Israel yn nyddiau Uzziah, brenin Judah, Ac yn nyddiau Jeroboam mab Joash brenin Israel,

Ddwy flynedd cyn y daeargryn.

2Ac efe a ddywedodd,

Yr Arglwydd a rua o Sion;

Ac a rydd ei lef o Jerusalem:

A phorfëydd y bugeiliaid a ddifwynir;

A phen Carmel a wywa.

3Fel hyn y dywedodd yr Arglwydd;

Am dri anwireddau Damascus;

Ac am bedwar nis troaf hyny ymaith:

Am iddynt ddyrnu Gilead ag offer dyrnu o haiarn.

4A mi a anfonaf dân i dŷ Hasael;

Ac efe a ddifa balasau Benhadad.

5A drylliaf farau Damascus;

A thoraf ymaith breswylydd o ddyffryn Afen;

A’r hwn sydd yn dal teyrnwialen o Beth Eden:

A phobl Syria a gaethgludir i Cir medd yr Arglwydd.

6Fel hyn y dywedodd yr Arglwydd;

Am dri anwireddau Gazah:

Ac am bedwar nis troaf hyny ymaith:

Am iddynt gaethgludo caethglud lawn,

I’w rhoddi fynu i Edom.

7Ac anfonaf dân yn mûr Gaza;

Ac efe a ddifa ei phalasau hi.

8A thoraf ymaith breswylydd o Ashdod;

A’r hwn a ddeil deyrnwialen o Ascelon:

A throaf fy llaw yn erbyn Ecron,

A derfydd gweddill y Philistiaid;

Medd yr Arglwydd Ior.

9Fel hyn y dywedodd yr Arglwydd;

Am dri anwireddau Tyrus;

Ac am bedwar

Nis dattroaf ef:

O herwydd iddynt hwy roddi i fyny gaethglud lawn i Edom;

Ac na chofiasant gyfamod brodyr.

10Ac anfonaf dân yn mûr Tyrus;

Ac efe a ddifa ei phalasau.

11Fel hyn y dywedodd yr Arglwydd;

Am dri anwireddau Edom;

Ac am bedwar, Nis dattroaf ef;

Am iddo erlid ei frawd â’r cleddyf a bwrw ymaith ei dosturiaethau;

A bod ei ddig yn rhwygo yn wastadol;

A bod ei lid yn cadw byth.

12A mi a anfonaf dân i Teman;

Ac efe a ddifa balasau Bosrah.

13Fel hyn y dywedodd yr Arglwydd;

Am dri anwireddau meibion Ammon;

Ac am bedwar,

Ni throaf ef yn ol:

Am iddynt hwy rwygo gwragedd beichiogion Gilead;

Er mwyn helaethu eu terfyn.

14A mi a ddygaf dân yn mûr Rabba;

Ac efe a ddifa ei phalasau:

Gyda gwaedd ar ddydd rhyfel;

Gyda thymestl ar ddydd corwynt.

15A’u brenin a â i gaethiwed:

Efe a’i dywysogion ynghyd,

Medd yr Arglwydd.