Nahum 3 - The Minor Prophets 1881 (John Davies, Ietwen)

PEN. III.—

1Gwae ddinas y gwaed:

Celwydd ydyw hi i gyd, llawn trais;

Nid ymedy ysglyfaeth.

2Swn ffrewyll;

A swn trwst olwyni:

A march yn carlamu;

A cherbyd yn neidio.

3Marchog yn dod i fyny,

A chleddyf gloew a gwaewffon ddysglaer;

A lluaws lladdedigion a thrymder celanedd:

Ac heb ddiwedd ar y cyrff meirw;

Tripiant wrth eu cyrff meirw.

4O herwydd aml buteinderau putain dda o harddwch,

Meistres swynion:

Yr hon a werth genedloedd trwy ei phuteinderau;

A theuluoedd trwy ei swynion.

5Wele fi i’th erbyn, medd Arglwydd y lluoedd;

A chodaf dy odreu ar dy wyneb:

A gwnaf i genedloedd weled dy noethni;

A theyrnasoedd dy warthfa.

6A thaflaf arnat bethau bryntion ac a’th amharchaf:

A gosodaf di yn ddrych.

7A bydd i bawb a’th welo ffoi oddiwrthyt;

A dywedyd,

Anrheithiwyd Ninefeh;

Pwy a dosturia wrthi?

O ba le y ceisiaf ddyddanwyr i ti?

8Ai gwell wyt ti na No Amon;

Yr hon sydd yn aros rhwng yr afonydd;

Dyfroedd sydd yn gylch iddi:

I’r hon y mae môr yn rhagfur;

O fôr y mae ei mur.

9Ethiopia fu yn gadernid iddi, a’r Aipht, ac aneirif:

Put a Lubiaid fuont yn gynorthwy i ti.

10Er hyny, hi a aeth i gaethiwed mewn caethglud;

Ië, ei phlant bychain a ddryllid yn mhen pob heol:

Ac ar ei gwŷr anrhydeddus y bwriasant goelbren;

A’i holl wŷr mawrion a rwymwyd mewn gefynau.

11Tithau hefyd a feddwi;

Byddi guddiedig:

Ti hefyd a geisi ymddiffynfa rhag y gelyn,

12Dy holl ymddiffynfeydd;

Ffigysrwydd a’u ffrwythau cyntaf arnynt fyddant:

Os ysgydwir hwynt;

Syrthiant ar enau bwytawr.

13Wele dy bobl fyddant wragedd yn dy ganol di;

Gan agor yr agorwyd pyrth dy dir i’th elynion;

Tân a ysodd dy farau.

14Tyn i ti ddwfr gwarchae;

Cadarnha dy ymddiffynfeydd:

Dos i’r pridd a sathr ar y clai,

Cryfha odyn maen pridd.

15Yno tân a’th ddifa;

Cleddyf a’th dyr ymaith;

Efe a’th ddifa fel y llindys:

Ymluosoga fel y llindys;

Ymluosoga fel locustiaid.

16Amlheaist dy farchnadyddion;

Rhagor sêr y nefoedd:

Gwasgarodd y llindys ac ehedodd ymaith.

17Dy dywysogion sydd fel locustiaid;

A’th uchel swyddogion fel heidiau o geiliogod rhedyn:

Y rhai a wersyllant yn y cloddiau ar ddydd oerfel;

Cododd haul ac ehedasant ymaith;

Ac nis adwaenir eu lle hwynt pa le y buont.

18Cysgodd dy fugeiliaid, frenin Assuria;

Dy bendefigion a orweddant:

Gwasgarwyd dy bobl ar y mynyddoedd,

Ac nid oes a’u casgl.

19Nid oes iachad i’th archoll;

Dolurus yw dy weli:

Pawb ag a glywant son am danat,

A gurant law arnat;

O herwydd dros bwy nad aeth dy ddrygioni bob amser.