Nahum 2 - The Minor Prophets 1881 (John Davies, Ietwen)

PEN. II.—

1Aeth anrheithiwr i fyny i’th erbyn,

Cadw amddiffynfa;

Gwylia ffordd, cryfha lwynau;

Cadarnha nerth yn fawr.

2Canys trodd yr Arglwydd heibio y traha ar Jacob;

Fel y traha fu ar Israel:

Canys anrheithwyr a’u hanrheithiasant;

A’u cangenau a ddystrywiasant.

3Tarian ei wŷr grymus sydd goch,

Gwŷr o nerth a wisgwyd âg ysgarlad;

Tanllyd yw dur y cerbyd ar ddydd ei barotoad:

A’r ffyn gwaew a ysgydwir.

4Y cerbydau a gynddeiriogant yn yr heolydd;

Rhedant draw ac yma yn y prif ffyrdd:

Eu gwelediad sydd fel lampau;

Fel y mellt y rhuthrant.

5Efe a gofia ei wŷr gwychion;

Tripiant ar eu ffyrdd:

Prysurant at ei chaer hi;

A pharatowyd y gysgodfa.

6Pyrth yr afonydd a agorwyd;

A’r palas a lesgaodd.

7Ac y mae wedi ei benderfynu,

Hi a gaethgludwyd, gwnaed iddi fyned i fyny:

A’i morwynion yn cwyno fel llais colomenod;

Gan guro ar eu calonau.

8A Ninefeh,

Fel llyn o ddyfroedd y bu ei dyfroedd hi.

Ac y maent hwy yn ffoi;

Sefwch, sefwch,

Ac nid oes a edrycho yn ol.

9Ysbeilwch arian, ysbeiliwch aur:

Ac nid oes diwedd i’r ystor;

Gogoneddus ydyw gan yr holl nwyddau dymunol.

10Gwag llwyr wag ac anrheithiedig yw hi:

A chalon yn toddi a gliniau yn crynu,

A phoen yn yr holl lwynau;

Ac wynebau pawb o honynt a gasglasant barddu.

11Pa le y mae trigfan llewod?

A bwydfa fu hi i’r llewod ieuainc;

Yno lle y rhodiai llew, llewes, cenaw llew,

Ac nid oedd a’u dychrynai.

12Llew yn ysglyfaethu digon i’w genawon;

Ac yn llindagu i’w lewesau:

Ac efe a lanwai ag ysglyfaeth ei ffauau;

A’i lochesau ag ysbail.

13Wele fi atat, medd Arglwydd y lluoedd;

A mi a losgaf ei cherbyd hi mewn mwg;

A chleddyf a ddifa dy lewod ieuainc:

A thoraf ymaith o’r tir dy ysglyfaeth;

Ac ni chlywir mwyach lais dy genadau.