Jonah 3 - The Minor Prophets 1881 (John Davies, Ietwen)

PEN. III.—

1A bu gair yr Arglwydd at Jonah yr ail waith,

2gan ddywedyd, Dos i Ninefeh y ddinas fawr, a chyhoedda wrthi y genadwri a ddywedwyf wrthyt.

3A Jonah a gyfododd ac a aeth i Ninefeh yn ol gair yr Arglwydd: a Ninefeh oedd ddinas fawr iawn; yn daith tri diwrnod.

4A dechreuodd Jonah fyned trwy y ddinas daith un diwrnod: ac efe a lefodd ac a ddywedodd, deugain niwrnod eto a Ninefeh a ddinystrir.

5A gwyr Ninefeh a gredasant yn Nuw; ac a gyhoeddasant ympryd ac a wisgasant sachlieiniau o fawr o honynt hyd fach o honynt.

6A’r sôn a ddaeth at frenin Ninefeh; ac efe a gyfododd oddiar ei orsedd ac a ddiosgodd ei fantell oddiam dano, ac a wisgodd sachlian, ac a eisteddodd ar y lludw.

7Ac efe a barodd gyhoeddi a dywedyd yn Ninefeh trwy orchymyn y brenin a’i bendefigion, gan ddywedyd: y dyn a’r anifail, yr eidion a’r ddafad, na phrofant ddim, na phorant, ac nac yfant ddwfr.

8A gwisger y dyn a’r anifail a sachlieiniau; a galwant ar Dduw yn lew a dychwelant bob un oddiwrth ei ffordd ddrwg; ac oddiwrth y trais sydd yn eu dwylaw.

9Pwy a wyr a dry ac y tosturia Duw: a throi oddiwrth angerdd ei ddigofaint, ac na’n difether ni.

10A gwelodd Duw eu gweithredoedd hwynt, droi o honynt o’u ffordd ddrygionus: a thosturiodd Duw am y drwg yr hwn y dywedasai y gwnai iddynt ac nis gwnaeth.