Joel 3 - The Minor Prophets 1881 (John Davies, Ietwen)

PEN. III.—

1A bydd ar ol hyn,

Y tywalltaf fy ysbryd ar bob cnawd;

A’ch meibion a’ch merched a broffwydant:

Eich henafgwyr a freuddwydiant freuddwydion,

Eich gwyr ieuainc;

A welant weledigaethau.

2A hefyd ar y gweision, ac ar y morwynion:

Yn y dyddiau hyny;

Y tywalltaf fy ysbryd.

3A gwnaf ryfeddodau;

Yn y nefoedd ac ar y ddaear:

Gwaed a thân;

A cholofnau mwg.

4Yr haul a droir yn dywyllwch;

A’r lleuad yn waed:

Cyn dyfod dydd yr Arglwydd,

Y dydd mawr ac ofnadwy.

5A bydd yr achubir pob un a alwo ar enw yr Arglwydd:

Canys yn mynydd Sion ac yn Jerusalem y bydd ymwared,

Fel y dywedodd yr Arglwydd;

Ac yn mhlith y gweddillion;

A alwo yr Arglwydd.