Nahum 1 - The Minor Prophets 1881 (John Davies, Ietwen)

PEN. I.—

1Baich Ninefeh: Llyfr gweledigaeth Nahum yr Elcosiad.

2Duw eiddigus a dialeddus yw yr Arglwydd;

Dialeddus yw yr Arglwydd a pherchen llid:

Dialeddus yw yr Arglwydd i’w wrthwynebwyr;

A’i gadw a wna i’w elynion.

3Yr Arglwydd sydd hwyrfrydig i ddig a mawr o rym;

A chan ddieuogi ni ddieuoga;

Yr Arglwydd,

Mewn corwynt ac mewn rhyferthwy y mae ei ffordd Ef;

A chwmwl yw llwch ei draed ef.

4Efe a gerydda y môr ac a’i sych ef;

A’r holl afonydd a ddyhysbydda:

Gwywodd Bashan a Charmel;

A gwyrddni Lebanon a wywodd.

5Y mynyddoedd a grynasant rhagddo;

A’r bryniau a doddasant;

A’r ddaear a gododd o’i flaen Ef;

A’r byd a phawb ag a drigant ynddo.

6Pwy a saif o flaen ei lid Ef?

A phwy a gyfyd yn angerdd ei ddigofaint Ef?

Ei lid Ef a dywalltwyd fel tân;

A’r creigiau a ddrylliwyd rhagddo.

7Da yw yr Arglwydd;

Yn amddiffynfa yn nydd cyfyngder;

Ac Efe a edwyn y rhai a ymddiriedant ynddo;

8A thrwy genllif llifeiriol;

Y gwna Efe dranc ar ei lle hi;

A’i elynion a erlid Efe i dywyllwch.

9Beth a ddychymygwch yn erbyn yr Arglwydd;

Efe a wna dranc;

Ni chyfyd cyfyngder ddwywaith.

10Canys tra yn benbleth fel drain;

Ac wrth feddwi yn feddwon:

Yr ysir hwynt fel sofl grinllawn.

11Oddiwrthyt yr aeth allan;

Un yn dychymygu drwg yn erbyn yr Arglwydd:

Un yn cynghori drygioni.

12Fel hyn y dywedodd yr Arglwydd,

Os ydynt yn llwyddianus ac felly yn eiml;

Ond felly y torir hwynt i lawr ac yr ant heibio.

13Mi a th gystuddiais;

Ni’th gystuddiaf eto.

Ac yn awr toraf ymaith ei wialen oddiarnat:

A drylliaf dy rwymau.

14A’r Arglwydd a orchymynodd am danat;

Na thaener o’th enw mwyach:

Toraf ymaith o dŷ dy dduwiau gerfddelw a delw dawdd:

Gosodaf fedd i ti,

Canys gwael ydwyt.

15Wele ar y mynyddoedd draed un yn mynegu newydd da,

Yn cyhoeddi hawddfyd;

Judah cadw dy wyliau, tâl dy addunedau;

Canys gwr anwir ni chwanega dramwyo trwyot mwyach:

Cwbl dorwyd ef ymaith.