Zechariah 10 - The Minor Prophets 1881 (John Davies, Ietwen)

PEN. X.—

1Erchwch gan yr Arglwydd wlaw yn amser diweddar wlaw;

Gwna yr Arglwydd fellt;

Ac a rydd iddynt wlaw yn gawod;

I bob un laswellt yn y maes.

2Canys y delwau teulu a lefarasant dwyll,

A’r dewiniaid a welsant gelwydd;

A breuddwydion ofer a ddywedent:

Gwagedd a roddent yn gysur:

Am hyny y symudwyd hwynt fel defaid;

Cystuddiwyd hwynt am nad oedd bugail.

3Yn erbyn y bugeiliaid yr enynodd fy llid;

Ac â’r bychod yr ymwelaf:

Canys ymwelodd Arglwydd y lluoedd â’i ddeadell tŷ Judah;

Ac a’u gosododd hwynt,

Fel ei harddfarch yn y rhyfel.

4O hono yr â allan gonglfaen,

O hono hoel;

O hono fwa rhyfel:

O hono bob meistr yn nghyd.

5A byddant fel cedyrn yn sathru,

Yn nhom heolydd yn y rhyfel;

Ac ymladdant;

Canys bydd yr Arglwydd gyda hwynt:

A chywilyddiant farchogion meirch.

6A nerthaf dŷ Judah,

A thŷ Joseph a waredaf;

A gwnaf iddynt breswylio,

Canys tosturiais wrthynt;

A byddant fel pe nas gwrthodaswn hwynt:

Canys myfi yw yr Arglwydd eu Duw hwynt

Ac a’u gwrandawaf hwynt.

7A bydd Ephraim fel cadarn;

A’u calon a lawenycha fel trwy win:

A’u meibion a welant ac a lawenychant;

Eu calon a orfoledda yn yr Arglwydd.

8Chwibanaf arnynt a chasglaf hwynt,

Canys gwaredais hwynt:

Ac amlhant fel yr amlhasant.

9A heuais hwynt yn mysg y bobloedd;

Ac yn y gwledydd pell y’m cofiant:

A bydd byw eu meibion ac a ddychwelant.

10A dychwelaf hwynt o wlad yr Aipht;

Ac o Ashur y casglaf hwynt:

Ac i wlad Gilead a Lebanon y dygaf hwynt;

Ac ni cheir lle

iddynt.

11Ac efe a dramwya trwy y môr blin,

Ac a dery dònau yn y môr;

A sychir holl waelodion afon:

A disgynir balchder Ashur;

A gwialen yr Aipht a ymedy.

12A nerthaf hwynt yn yr Arglwydd;

Ac yn ei enw ef y rhodiant:

Medd yr Arglwydd.