Amos 3 - The Minor Prophets 1881 (John Davies, Ietwen)

PEN. III.—

1Gwrandewch y gair yma,

Yr hwn a lefarodd yr Arglwydd am danoch chwi, meibion Israel:

Am yr holl deulu;

Yr hwn a ddygais i fyny o wlad yr Aipht,

Gan ddywedyd,

2Chwi yn unig a adnabum;

O holl deuluoedd y ddaear;

Am hyny ymwelaf â chwi;

Am eich holl anwireddau.

3A rodia dau yn nghyd:

Heb fod o honynt yn gytun.

4A rua llew mewn coedwig;

Ac heb ysglyfaeth ganddo:

A leisia cenaw llew o’i ffau;

Heb ddàl dim.

5A syrth aderyn mewn magl ar y ddaear;

Ac heb fod croglath iddo:

A gyfyd magl oddiar y ddaear;

Ac heb ddàl dim.

6A chwythir udgorn mewn dinas:

Ac heb ddychrynu o’r bobl:

A fydd drwg mewn dinas;

Ac heb i’r Arglwydd ei wneuthur.

7Canys ni wna yr Arglwydd Iôr ddim:

Heb ddadguddio o hono ei ddirgelwch:

I’w weision y proffwydi.

8Rhuodd llew,

Pwy nid ofna;

Yr Arglwydd Iôr a lefarodd,

Pwy ni phroffwyda.

9Perwch glywed ar balasau yn Ashdod;

Ac ar balasau yn ngwlad yr Aipht:

A dywedwch,

Ymgesglwch ar fynyddoedd Samaria;

A gwelwch derfysgoedd lawer o’i mewn;

A’r gorthrymedigion yn ei chanol hi.

10Ac ni fedrant wneuthur uniondeb, medd yr Arglwydd;

Y rhai a bentyrant drais ac ysbail yn eu palasau.

11Am hyny fel hyn y dywedodd yr Arglwydd Iôr;

Cyfyngder a fydd o amgylch y wlad:

Ac efe a dỳn i lawr dy nerth oddiwrthyt;

A’th balasau a ysbeilir.

12Fel hyn y dywedodd yr Arglwydd;

Fel yr achub y bugail o safn y llew,

Ddwy goes neu ddarn o glust;

Felly yr achubir meibion Israel,

Y rhai sydd yn trigo yn Samaria;

Ar gŵr gwely ac ar sidan glwth.

13Gwrandewch a thystiolaethwch yn nhŷ Jacob:

Medd yr Arglwydd Iôr, Duw y lluoedd.

14Mai yn y dydd yr ymwelwyf ag anwireddau Israel arno ef:

Yr ymwelaf hefyd ag allorau Bethel;

A thorir cyrn yr allor;

A syrthiant i’r llawr.

15A mi a darawaf y tŷ gauaf a’r tŷ haf:

A derfydd y tai ifori,

A dybenir tai lawer,

Medd yr Arglwydd.