Joel 4 - The Minor Prophets 1881 (John Davies, Ietwen)

PEN. IV.—

1Canys wele yn y dyddiau hyny ac yn yr amser hwnw:

Pan ddychwelwyf gaethiwed Judah a Jerusalem,

2Y casglaf yr holl genedloedd;

Ac y dygaf hwynt i waered;

I ddyffryn Jehosaphat:

A dadleuaf â hwynt yno,

Am fy mhobl a’m hetifeddiaeth Israel,

Yr hon a wasgarasant yn mhlith y cenedloedd;

A rhanasant fy nhir.

3Ac am fy mhobl y bwriasant goelbren:

A rhoddasant y bachgen am butain;

A’r ferch a werthasant am win fel yr yfent.

4A hefyd beth sydd y fynoch chwi â mi, Tyrus a Sidon;

A holl ardaloedd Philistia:

Ai y pwyth a delwch i mi;

Ac os ydych yn ad-dalu i mi;

Buan, cyflym,

Y dychwelaf eich tâl ar eich pen.

5O herwydd fy arian a’m haur a gymerasoch:

A’m tlysau dymunol;

A ddygasoch i’ch temlau.

6A meibion Judah a meibion Jerusalem;

A werthasoch i feibion yr Jefaniaid:

I’w pellhau oddiwrth eu terfynau.

7Wele myfì yn eu codi hwynt o’r lle;

Y gwerthasoch hwynt iddo:

A mi a ddychwelaf eich pwyth ar eich pen.

8A mi a werthaf eich meibion a’ch merched chwi,

Yn llaw meibion Judah;

A hwythau a’u gwerthant i’r Shabeaid, i genedl bell:

Canys yr Arglwydd a lefarodd.

9Cyhoeddwch yn mysg y cenedloedd;

Parotowch ryfel:

Deffrowch y gwyr cryfìon;

Nesäent, deuont i fyny;

Yr holl wŷr rhyfel.

10Curwch eich sychau yn gleddyfau;

A’ch crymanau yn waewffyn:

Dyweded yr egwan cryf ydwyf.

11Ymgesglwch a deuwch,

Yr holl genedloedd o amgylch ac ymgynullwch:

Yno par ddisgyn, Arglwydd, dy gedyrn.

12Y cenedloedd deffroent ac elont i fyny;

I ddyffryn Jehosaphat:

O herwydd yno yr eisteddaf i farnu yr holl genedloedd o amgylch.

13Bwriwch grymau i fewn;

Canys addfedodd y cynhauaf:

Deuwch, ewch i waered,

O herwydd y gwryf a lanwodd;

Rhedodd y cafnau gwin trostynt;

Am amlhau eu drygioni hwynt.

14Torfeydd, torfeydd;

Fyddant yn nglỳn y dinystr:

Canys agos yw dydd yr Arglwydd;

Yn nglỳn y dinystr.

15Haul a lloer a dywyllasant:

A sêr a attaliasant eu llewyrch.

16A’r Arglwydd a rua o Sion,

Ac a rydd ei lef o Jerusalem;

A nefoedd a daear a grynant:

A’r Arglwydd a fydd yn noddfa i’w bobl;

Ac yn ymddiffynfa i feibion Israel.

17A chewch wybod mae myfi yw yr Arglwydd eich Duw;

Yn trigo yn Sion, fy mynydd santaidd:

A bydd Jerusalem yn santaidd;

A dyeithriaid nid ant trwyddi mwyach.

18A bydd yn y dydd hwnw,

Y defnyna y mynyddoedd feluswin,

A’r bryniau a lifeiriant o laeth;

A holl nentydd Judah a lifant o ddyfroedd:

A ffynon a ddaw allan o dŷ yr Arglwydd;

A hi a ddyfrha ddyffryn y coed Sittim.

19Yr Aipht a fydd anghyfanedd;

Ac Edom a fydd yn anialwch anghyfaneddol:

Am drais ar feibion Judah;

Am iddynt dywallt gwaed gwirion yn eu gwlad hwynt.

20A Judah a erys byth:

A Jerusalem hyd genedlaeth a chenedlaeth.

21A mi a ddieuogaf waed y rhai nis dieuogais:

A’r Arglwydd sydd yn trigo yn Sion.