Jonah 2 - The Minor Prophets 1881 (John Davies, Ietwen)

PEN. II.—

1A’r Arglwydd a ddarparasai bysgodyn mawr i lyncu Jonah; a Jonah a fu yn mòl y pysgodyn dri diwrnod a thair nos.

2A Jonah a weddiodd ar yr Arglwydd ei Dduw o fòl y pysgodyn ac a ddywedodd,

3Llefais o’m cyfyngder ar yr Arglwydd,

Ac efe a’m hatebodd:

O fòl y byd isod y gwaeddais,

Clywaist fy llef.

4A thi a’m bwriaist i’r dyfnder yn nghanol moroedd;

A llif a’m hamgylchodd:

Dy holl donau a’th lifeiriant a aethant drosof.

5A minau a ddywedais:

Bwriwyd fi o wydd dy lygaid:

Er hyny mi a edrychaf eto:

Tu a’th deml santaidd.

6Dyfroedd a’m hamgylchasant hyd yr einioes:

Dyfnder a ddaeth o’m hamgylch:

Ymglymodd hesg am fy mhen.

7Disgynais i odre y mynyddoedd;

Trosolion y ddaear oeddent o’m hamgylch yn wastadol:

A thi a godaist fy einioes o ddystryw, Oh! Arglwydd fy Nuw.

8Pan lewygodd fy enaid ynof;

Cofiais yr Arglwydd:

A’m gweddi a ddaeth atat;

I’th deml santaidd.

9Y rhai a ddaliant ar oferedd celwydd,

A wrthodant eu trugaredd eu hunain.

10A minau mewn llais clodforedd a aberthaf i ti;

Talaf yr hyn a addunedais:

Iachawdwriaeth sydd eiddo yr Arglwydd.

11A dywedodd yr Arglwydd wrth y pysgodyn; ac efe a fwriodd Jonah i’r tir sych.